TG

eust esté trop le recercher. Toutes foiz mondit sr le cardinal Sermonette est allé disner avec luy, lequel j'ay bien instruict de ce qu'il falloit. Il vous escript et croy qu'il vous mandera ce qu'il aura faict. Si vous voulez que je y fasse quelque chose davantage il vous plaira le me mander, car je ne y feray sinon ce que vous m'ordonnerez, vous advisant que je n'ay point veu Jehan-Marie Benedetti il y a plus de quatre jours. Je m'en informeray aujourd'huy et s'il est encores icy je mettrav peine le vous renvoyer le plus tost que je pourray, et si M. de Lodève est à Sienne il vous plaira, Monseigneur, luy dire, ou s'il n'y estoit de luy escrire qu'il me satisface des six mil escuz que je vous ay dernièrement envoyez suivant ce que je luy ay escript. Vous voulant bien adverlir que M. le cardinal du Bellay est guery et en bonne disposition et délibération de faire beaucoup d'expéditions au premier consistoire, et pour autant qu'il vous escript je ne vous en diray aultre chose. Je vous envoyé ung pacquet adressant à M. le baron de la Garde, que je vous snpplye faire tenir seulement et par la première occasion pour ce qu'il est d'importance.

Monseigneur, depuis la présente escrite, M. le cardinal Sermonette m'a envoyé dire qu'il ne vous escrivoit point pour ce qu'il n'avoit pas parlé au Pape, mais que Sa Sainctcté luy avoit dict qu'il retournast demain et qu'elle vouloit parler à luy. De ce que j'entendray qui sera passé entre eulx je ne fauldray à vous en advertir incontinent.

De Rome le xxvje jour d'aoust I553.