TOME XXXMI

rance que les propos dudit accord deussent prendre quelque bonne fin, et d'autant que jevoulois dépescher vers le Roy je la supplyois me dire ce que j'aurois à escrire à Sa Majesté de cest affaire. A quoy elle m'a faict ung long discours de ce que ledit duc luy avoit mandé, et moy luy ay répliqué toutes les bonnes remontrances quej'ay peu, luy faisant entendre qu'elle sçavoit très bien que nous n'aurions jamais recercbé ledit duc ny de paix ny de trefve, ains voyant l'affection que Sa Saincteté avoit audit accord, pour sa satisfaction seulement et non pas pour amour ny craincte dudit duc, nous avions offert, comme encores je luy offrois, d'entendre et accepter tous partis honnestes et raisonnables qui seroicnt proposez par Sadite Saincteté ; laquelle me sembloit debvoit avoir grant occasion de mescontentement puisque ledit duc luy avoit faict dire dez le commencement qu'il s'en remettoit du tout en elle et qu'il se gouverneroit par son bon advis et conseil, et néammoins soubz umbre de son autborité, pendant qu'elle traictoit ledict accord ledict duc a envoyé offrir ayde aulx Gennevois pour faire la guerre au Roy, et recercher le vice roy de Naples pour semblable effect, et finallement tenir les eboses en parolles et en longueur pour tandis avoir moyen de nous tromper, dont nous nous donnerions bien garde, et que nous n'avions soucv d'autre ebose sinon que Sadicte Saincteté demeurast contente de nous et congneust qu'il ne restoit pas de notre part que les eboses ne succédassent selon son désir.

Pour conclusion je vous asseure que je luy ay dict tout ce quej'ay peu, et que Sadite Saincteté y a faict tous les bons offices qu'il est possible. Et après en avoir pressé l'homme dudit duc tant qu'elle a peu, à la fin il luy a respondu que son maitre ne vouloit point de trefve et ne sçavoit comme s'asseurer de la paix, pour la mauvaise volunté que le Roy a monstre luy porter à l'entreprinse de l'Elbe dernièrement, ny aussi ne vouloit point estre amy

du Roy pour se faire ennenrj de ses ennemys, pour ce qu'il ne pourroit manquer de faire tous les services qu'il pourrait à L'Empereur auquel il se sentoil obli

Voylà en somme ce que je vous en puis dire, sinon que j'a\ prins asseurance <lu Pape de troys choses : la première qu'il est fort coulent et satisfait de nous ; L'aultre que pour L'amour dudict duc ne d'aultreilne fera chose tjni soit au préjudice du Roy, mais au contraire fera en notre faveur tous les bons offices qu'il pourra ; la tierce que si les ennemys vouloient revenir de Naples comme l'année passée faire la guerre à Sienne, il ne leur donnera point le passage s'il le leur peult empesclier ou refuser. Mais m'a dict Sa Saincteté qu'il fault pourveoyr promptemenl aulx affaires du Senois et de Corsèque, pour ce que les Impériaulx, les Gennevois et duc de Florence y veulent faire tout leur effort, parquoy Mgr le cardinal du Bellay et moy avons advisé de dépescher présentement devers le Roy le secrétaire Boucher pour luy faire entendre Testât des affaires de pardeçà affin qu'il luy plaise d'y donner ordre.

Monseigneur, je vous asseure que le bruict du malcontentement des Senois en votre endroict continue icy plus que jamais non seulement envers les petit/ et moyens, mais envers les plus grands, lesquclz ont dict à M81 le cardinal du Bellay et à moy qu'ilz ont grant paour qu'il vous y advienne quelque inconvénient. Les plainctes qu'ilz font sont, que vous y estes non comme protecteur de leur liberté, mais comme leur propre seigneur, administrant la justice ainsi qu'il nous semble, donnant la liberté ou prison à qui il vous plaist, que leurs magistratz n'oseroient rien faire sans votre consentement, quêtons les officiers de la justice y sont deppendanz de vous, que nul cvtoien n'oseroit sortir sans votre congé, et finablement qu'ilz ne peuvent avoir audience et ne s'osent plaindre quand on leur fait mal; voyla ce qu'ilz disent. Il vous

plaira prendre en bonne part ce que je vous en escriptz, et y penser et pourveoyr selon votre prudence, à laquelle je remeetz le tout.

Monseigneur, il n'y avoità Ostie ny à Rippe pas ung seul vaisseau, parquoy j'ay envoyé à Civitta Vecchia quérir une barque qui doibt estre icy demain, sur laquelle je feray charger pour envoyer en Corsèque les picques avec neuf barilz de pouldre que j'ay ; laquelle je pense y fera bien besoing, et ne sçaurois par quel moyen la vous envoyer, d'autant qu'on ne sçauroit charger sur des muletz lesdits barilz qui sont trop groz, mais si vous en avez besoing et qu'il vous plaise m'envoyer de l'argent pour en acheter, j'en pourray bien icy recouvrer.

Monseigneur, j'ay esté adverty que le canonnier dont je vous ay cy devant escript que j'avois faict délivrer a esté reprins à Sienne. Il vous plaira le faire tenir bien serré pour le faire punir, car c'est un meschant paillard qui m'a trompé, et croys qu'il n'estoit pas allé là pour y bien faire. Pareillement je vous supplie me vouloir faire despartir de bonnes nouvelles que Nicquet vous a apportées, et me maintenir en votre bonne grâce.

De Rome le viij0 d'octobre 1553.

121. — 10 octobre 1533. — Lettre de M. de Lanssac au cardinal de Ferrare.

Monseigneur, depuis la dernière lettre que je vous av escripte ainsi que je faisois la dépesche de Boucher, Nicquet présent porteur arriva, et après avoir veu ce que le Roy vous avoit escript par luy avec l'advis de Mgr le cardinal du Bellay, je m'en retournay vers le Pape, et luy teins les propoz que vous verrez par le double du mémoire que j'ay baillé audit Boucher que je vous envoyé, ensemble la réponse de Sa Saincteté qui est coupper la broche à

toulc voye d'accord, dont je suis bien marry, et n'a pas tenu à moy que les choses n'aycnt prins meilleure fin, mais il n'eust pas esté honneste ce me semble que j'eusse passé plus oultre et ne veoy plus qu'il y ayl de ce costé

espérance, d'autant que le duc de Florance est desja attaché avec les Genncvois, et leur baille deux cens cbevaulx, deux mil hommes de pied et ses quattre gallères. Mais si de votre costé vous pouviez pour Testât de Sienne faire quelque suspension aAec ledit duc, il me semble que ce seroit bien fait .

Monseigneur, je vous manday l'autre jour l'excuse que le Sr Vincence de Nobily m'avoit fait faire par Vimercat. Depuis, sur la dépesche dudit Boucher je luy feitz entendre par ledit Vimercat qu'il me dist ce qu'il vouloit que j'en escrivisse au Roy, et si je ne pouvois pas bien asseurer Sa Majesté qu'il accepteroit ce que luy avions offert quant son fdz seroit faict cardinal suivant ce qu'il m'avoit mandé par ledit Yimercat. Mais il feit le froid et dict qu'il falloit premièrement qu'il se licenciast des Impériaulx qui luy avoient donné quelque bonne espérance, et que quant son filz seroit cardinal qu'il adviseroit quel partv il debvroit prendre. A quoy je diclz puisqu'il prenoit terme d'v penser, et nous aussy, et que nous pensions faire beaucoup pour le service du Roy de luy acquérir ung tel serviteur, mais encore plus pourluydeluy donner ung tel maistre.

Monseigneur, les Impériaulx publyoient hyer que seize gallères d'Espaigne estoient arrivée/, en Sicile chargées de quatre mil Espagnol/ ; ilz disent aussi que Dragut s'en est allé, qui est tout ce que je vous puys dire, remettant le surplus à Nicquet qui vous en sçaura rendre bon compte.

De Rome le xe d'octobre 1553.