Le texte porte de denvers

442 NÉGOCIATIONS DE [aodt 1542]

grant préjudice, d'aultant que c est le lieu où ilz ont le plus graut trafic de marchandise, esUmans ce qu'ilz y ont de présent eslre de valleur de sept à huit cens mil escuz pour le moings. Le peuple ose bien dire, s il advient inconvénient aux biens qu'ils y ont, qu'ilz s'en prendront sor vos subjectz qui sont en ce pays.

« Hz ont faict ces jours présenter à ce roy par les plus aparans de Londres une supplication contenant en substance qu*il luy pleust remédier au danger qui leur estoit si prochain et d'envoyer navires pour sauver leurs marchandises ou ayder à ceulx de ladite ville d'Anvers. Sur quoy ilz ont eu response qu'on les avoit pièça advertis que la guerre se dressoit celle part et de si bonne heure qu'ilz avoient eu loisir de composer tous leurs affaires et asseurer leurs biens, qu'il n'estoit en lieu de remédier à ce qu'il se faisoit en autres pays que les siens et quant ores bien il auroit proposé de subvenir à ceulx d'Anvers avant que le secours feust prest l'on entenderoit le faict ou le failly de sorte que en tout événement son ayde ne pourroit de rien servir. Ceulxci se monstrent eslre troublez d'une chose, Sire, c'est qu'en mesme instant qui s'est entendu de pardeça la guerre est[re] criée en vostre royaume à Tancontre de l'empereur, ilz ont eu nouvellez que sur les confins d'Escoce les Escoçoys avoi[en]t pillé et bruslé cinq ou six gros villaiges et ammené plusieurs prisonniers, et, combien que ce soil chose acoustumée d'entendre telz excetz qui se font d'une part et d'autre pour le différent des limites dont ilz ne se peuvent acorder, toutesfoys. Sire, craignant que ce petit mal soit commancement de pis, à cause de la ligue qu'on leur a nonciée de vostre part, ilz ont incontinant donné ordre de lever gens au cartier de Nort pour aller la part où le besoing sera le plus grant.

Préparatifs « Sire, au bien ample mémoire que L'Aubespine et moy fîsmesde tout militaires et ce quc pour lors sc pouvoit cscriprc de ce pays, se peult adjouster ce que depuis est succédé, qu'on a dépesché commissions à tous les gouverneurs du pais pour faire reveue et raporter par escript combien de gens se pouroient tenir pour s'en servir au besoing [et] de l'équipage auquel ilz se pourroient trouver en armes; qu'on lève gens en ces envyrons jusques au nombre d'envyron deux mille, dont la moictié est destinée pour renforcer la garnison de Calays et de Guynes, les cinq cens après seront pyonniers, et le surplus, qui seront autres cinq cens, s'embarqueront sur troys gros navires de ce roy, qui sont les plus grans des dix ou douze qu'on apresloit icy après le Grant Henry y et qui sortiront à ce qu'on dict au premier jour, car on y charge artillerye grosse et menue en grant nombre et munition, et sont desjà les mariniers arreslés qui en doivent estre les conducteurs; qu'on a faict quelques monstres vers le quartier d'Anlhonne, de gens qu'on doit faire monster sur les autres navires qui sont preslz à Porchemeut, dont pour en sçavoir myeulx la vérité j'ay envoyé aucuns des myens par delà que j'atens

d'heure à autre pour me rapporter au vray le nombre des vaisseaux qui sont en ces costes là et des gens qu'on y doibt embarquer; qu'on renforce d'artillerie les boullevars qu'on avoit faictz es Heulx où Ton pense Tennemy povoir faire descente pour conserver les franchises et seuretés de leurs pors; et davantage que Ton continue d'envoyer ainsi artillerie et munitions delà la mer combien qull y en ayt une grande provision acumullée de longue main.

a Ces choses, Sire, avec les autres parliculiaritez dont cy devant a esté informé, donne[nt] à penser à plusieurs que c'est pour vous faire test ou tard la guerre. De la voulunlé de ceulx-cy ne fault, soubz corection, aucunement doubter qu'elle ne soit très mauvaise en vostre endroict mais, quant [à] l'exécution, aucuns veulent dire qu'elle ne sera pas si soudeine qu'on pensoyt et que ceux-cy ne se meteront aux champs qu'ilz ne voyent leurs grans advantaiges; les autres présument qu'elle se fera dans ung moys ou cinq sepmaines, selon les aparances qu'on y veoit, es quelles se peult adjousler qu'aucuns des premiers de Londres ont adverlj»^ secrètement aucuns de vos subjectz, Sire, qu'ilz donnent ordre à leurs affaires et le plustost qu'ilz pouront et se retirent avec le bien que pourront sauver, qui leur est chose mal aisée, car ce bruyt durant ilz ne trouvent homme[s] qui leur offrent riens de leurs marchandises. Au regard de moy. Sire, j'ay aresté avec monsieur le mareschal du Byez que, s'il demeure plus de huit jours sen[s] avoir nouvelle de moy, qu'il interprette par là et prenne les choses au pis, présuposant qu'en ce cas l'on m'auroit cloz le passaige de la mer, qui seroit le pire préjudice de leur mauvaise voulunlé et prompte exécution qui pouroit avenir.

« Au demeurant, Sire, présentement est arrivé ung courrier venant d'Anvers, lequel a rapporté que les voslres, ayant pieça prins le chasteau d'Ostrate qui est de conséquence pour leur emprise, s'esloient aprochés si près de la ville qu'ils [la] pouvoient maintenant batre d'artillerie, et que le prince d'Orange a grant peine estoit entré dedans ayant perdu casi toute la compaignie qu'il y menoit pour enforcer la garnison. Il est aussi arisvé ung ambassadeur venant du roy d'Escoce qui n'a peu encores parler à moy : bien m'a il faict entendre qu*il estoit venu pour excuser ce que on avoit bruslé cinq vilaiges, monstrant que les Angloix en esloient cause qui en avoient auparavant bruslé deux, et aussi pour veoir en quelle disposition il trouveroit ceulx-cy, ou d'entretenir paix, ou de faire guère au roy son seigneur. » « Envoyé par Fendant. »

Vol. î), f 181 vo, copie du xvi« siècle, 4 p. in-f^.

MARILLAC AU ROI

433. — [Londres]^ 5 août, — « Sire, hier matin qui estoit vendredi Plaintes les seigneurs du conseil privé de ce roy me feirent entendre par homme ^^ ^°»^*»^-

444 NÉGOCIATIONS DE [aoct 1542]

exprès comme ilz se esmerveilloient grandement que durant la bonne amytyé et considération qui estoit entre vous, Sire, et le roy leur seigneur, aulcuns de voz subjectz ayans barcques armées en guerre osassent non seullment entrer en cesle rivière et prendre navires de voz ennemyz dans leurs ports et franchises, mais aussi s'attacher aux Angloys et s'essaier de les emmener par force, ainsi qu*ilz disoient estre avenu par un Thomassin Nordest, qui est de devers le quartier de Dieppe, y adjoustans qu'il y avoit quatre ou cinq navires de Dieppoys qui rouoyent au tour de Tisle de Houit *, qui est auprès d*Hantonne, par où le passaige estoit si suspect que pour le respect de ce dangier les Angloys n'ausoient traffiquer aussi libérément qu*ilz soulloient,ains s*estoient relirez devers ledit seigneur roy luy supplyant qu'il luy pleust que au plustost [y] remédier, ce qu'il avoit délibéré de faire et y envoyer quelque navire des siens qui doibvent sortir d'ycy au premier jour, venant à conclurre que lesdils seigneurs me prioient et me requéroient de vous escripre, Sire, en sorte que à l'avenir vosdits subjectz se gardassent d'ainsi excéder, ce que je luy promis de faire l'office en bon ministre Tasseurant au demourant vostre intention n 'estre autre que conserver les subjectz du roy vostre bon frère et le traicter en mesme sorte que les vostres propres avec telles autres parolles gratieuses par lesquelles ledit personnaige monstra s'en retourner plus content qu'il n'estoit venu édiffié, car à la vérité il sembloit d'arivée de l'altération et de l'indination {sic) à me venir faire telle proposition et mesmemcnt que eeluy dont il se plaignoit a esté arresté par eulx et est encores prisonnière Douvre ce que toutesfoys il me seloit.

Mariiiac « Le mcsmc jour, Sire, sur les dix heures du soir les mesmes seigneurs whidMr ™'escnprent une lettre par Fun de leurs couriers signée des sept les plus grans qui soient en leur assemblée et davantaige de deux secrétaires et d'un maistre des requestes contenant en substance ainsi qu il vous plaira veoir par la teneur d'icelle que j'ay mise dans le pacquet que pour aucuns affaires de conséquence qu'ilz ont à me communiquer je me trouvasse lundi prochain à Hoinzors, où j'estime que la chose soit d'autant plus grande que pour une telle simple assignation ils m'ont adverti avec une telle cerymonie qui me faict penser, Sire, que se soit pour me ouvrir propoz facheulx voyant icy les choses réduictes en ces termes que pour l'heure on en peult présumer plus de mal que de bien, en tout événement que leur déUbération soit de grande importance et de poids car ilz ont pièça faict venir tous les seigneurs de leur compaignie commençant au duc de Norfolk qui estoit retiré en sa maison jusques à plusieurs aultres qui estoient disposez aux gouvernemens qu'ilz ont par le pays.

« Sire, pour ne vous laisser en peine d'entendre ce qui se faict par deçà