Le mss porte : de Ouglas

tant pour porter rartillerie, munitions et gens que aussi pour empescher le secours que les Escoçoys pourroient attendre. D'ailleurs Tambasssadeur du roy d'Escoce est toujours ycy avec ung traittement variable, car au commencement il vcit Tlieure qu'il pensoit eslre prisonnier; depuis, on l'a ung temps caressé à Lengeryse * luy donnant permission de tuer des bougs dans des parcs : maintenant il ne sçait où il en est car si on luy tient le matin d'asseurance, Taprès disnée l'on luy tient tous termes de deffience. C'est quant aux affaires d'Escoce. Pour vostre regard, Sire, les choses ne sont pas si prochaines de IVxécution. Toutesfoys le doubte n'y est guères moindre, car avec ce qu'ils ont faict de longue main passer par delà tant de gens que Calays, Guynes, et leurs autres places sont cappables de tenir, avec le nombre d'artillerie et munition en quantité incrédible et avec ce d'armures et armes suffisantes pour fournir ung grant camp. Ils ont faict monstres et font encores en toutes pars de sorte qu'ils peuvent mettre aux portes de voz villes de frontières ung bien grant nombre de gens dans peu de jours et toutes les foys que bon leur semblera. Il se continue que le seigneur du Privé Séel passera la mer et se tiendra à Calais et le seigneur de Chesné à Guynes. L'ambassadeur de l'empereur se tient quasi tous les jours avec eulx en conseil, par où il se présume qu'il y a de grandes intelligences entre eulx. Je sçay qu'on a dépesché homme pour employer en Flandres cinquante mil escuz en garnison de guerre et ung autre en Espaigne pour en rapporter dix mil picques. L'estat de la guerre, à ce que j'entens, est faict de sorte qu'il ne reste que d'exécuter ce qu'ilz ont désigné et si ce n'est pour ceste année, d'autant que la saison est bien avancée, il est sans doubte que ce sera pour le renouveau et si ne peut on estre asseuré qu'ilz attendent jusques là, car, comme j'ay dict, toutes choses sont prestes avecques ce que on veoit d'ailleurs beaucoup d'indices qui donnent à penser qu'ilz ne sont pour délayer l'exécution. Les navires de leurs subgeetz ne vont poinct à Bourdeaulx pour la provision de vin ainsi qu'ilz avoient accoustumé faire. Les navires flamens armez en guerre séjounieat en leurs pors tant que bon leur semble et quand ilz peuvent attrapper eeulx de voz subgeetz. Sire, ilz les prennent et font acroire qu'ilz sont larrons de mer et vyolateurs de leurs franchises, ainsi que j'en ay cy devant escript bien amplement à monseigneur l'admirai. J'ay tous les jours plainctes nouvelles et quand je les cuyde remonstrer l'on me paye ou de dissimulations ou de autres vieilles plainctes de sorte que ce pendant il n'y a intéressez que les vostres. Brief tous ceulx qui ont veu le commancernent des guerres disent que ce sont les mesmes apparences qu'ilz veoient lors que ceulx-cy estoient sur le poinct de rompre, c'est de se saisir soubz prétexte divers des navires de guerres qui arrivent en leurs pors pour diminuer d'autant les forces d'icellui qu'ilz ont desjà dans