Aberdeen

2. Selve parle ici de cette place, et la cite comme s'il la mentionnait pour la première fois. Il s'agit cependant de Berwick, ville à laquelle il a déjà fait de si nombreuses allusions.

268 NÉGOCIATIONS DE [janvier 4548]

seroint fort changez et que uncques gentz ne se trouvèrent sy estonnés que cculy cy tant pour ce que c'est chose à laquelle ilz ne s'attendent paz et qu'ilz ne peuvent croyre que pour ce qu'allors par adventure se descouvriront beaulcoup de voulentés cachéez d'angloys naturelz mal contentz de ce gouvernement et de sez innovations qui se font journellement, desquelz, Sire, pour vray il y a grand nombre en ce royaume et mesmement comme j'entendz dudict costé du North lesquellz ne sont contenuz principalement que de la prospérité en laquelle il leur semble voyr présentement les affayres de ce royaume auquel s'ilz voyent advenir le moindre trouble du monde il y a grande apparence que le changement y pourroyt devenir grand en peu de temps, estantz les petitz très mal contentz des grandz et les grandz inesmes peu unys et accordantz entre eulx quelque myne qu'ilz facent. Vray est, Sire, que l'issue de toutes entreprinses est en la main de Dieu et à luy seul congnue mais sans poinct de faulte il y a de grandz argumentz pour croyre que les escossoys feront beaulcoup mieulx d'entreprendre lez premiers que d'attendre que Ton voyse entreprendre chez eulx ou s'amuser à reprendre lez places qui ont esté prinses des angloys lesquelles estant maintenant fortiffiéez lez pourront occuper long temps... De quoy, Sire, je parle comme ignorant et comme clerc d'armes ce que vostre plaisir sera me pardonner, car je ne me suyspeu garder de vous en toucher ce mot pour la naturelle inclination que je doy au bien de voz affayres et l'extrême désir que j'ay de veoyr quelque chastiement en ceste insolente nation. »

« De Londres, ce xim™ janvyer v*xlvii. »

Vol. 7, f° 130, copie du xvi° siècle, 4 p. 4/4 in-f°.