Voir la dépêche du 23 mai

2. On a vu que Nicholas Wotton avait averti le protecteur de ce projet. (Ci-dessus, dépêche du 7 mai.)

Yester.

souvenyr du nom '. Et de propoz en propoz suys tombé sur le fort Fortiucation d'Adingthon luy disant que j'entendoys que c'estoyt une belle et grande Haddtngton place et qu'il ne luy avoyt paz esté donné fort grand empeschement à «t de ja forliffyer. Il m'a dict qu'il estoyt vray qu'il n'y avoyt eu aulcun emcra1g.y peschement et que ladicte place estoyt très belle et forte, plus grande ou plus que Caletz et capable d'y tenyr bien IIIIM hommes de guerre et qu'il m'en voulloyt monstrer le dessaing en plateforme qu'il a envoyé quérir sur l'heure, et de ce que j'en ay peu veoyr me congnoissant assez mal en cela, ceste ville a montre d'estre bien grande combien qu'ilz l'ont diminuée et de largeur et de longueur en la fortiflyant. La forme qu'ilz luy donnent est presque quarrée, toutesfoys ung peu plus longue que large et est plus estroicte par l'ung des boutz vers une rivière quy est auprès qu'elle n'est par l'aultre bout, en sorte que vers ladicte rivyère elle va tousjours en estressissant du costé de laquelle rivière y souloyt avoyr hors la ville une esglise qu'ilz ont razée et de l'aultre costé de la campaigne semble qu'il y ave quelques montaignes en l'endroict desquelles j'ay apperceu au dedans de ladicte platteforme apparence d'attente de forteresses pour deffences. Je ne sçay sy ce seroint cavallyers ou quelque aultre telle chose. Ledict protecteur m'a dict que le fossé d'autour a plus de XXX piedz de large et douze piedz de profund et que du baz du fossé y a pluz de trente piedz à monter contre la ville. Je luy ay dict, Sire, pour le faire parler, que ceste forteresse luy avoyt cousté bon à faire et cousteroyt encores plus à garder estant sy grande de circuyt. A quoy il m'a respondu qu'il pourroyt à présent faire faire à son ayse au dedans de ce circuyt quelques fortz aux lieux les plus nécessayres dedans lesquelz il suffiroyt de tenir gentz et non par tout le demeurant de la ville, davantaige que ayant faict ce fort bien avant danz le pays d'Escosse premièrement il espargnoyt au roy son maistre la despence de plusieurs fortz quy estoint plus prochains de ce royaume ausquelz il n'aura plus que faire de tenir gentz et que de cinq ou six qu'ilz ont de costé là il ne seroyt plus besoing d'en tenyr que lez deux ou les troys plus importantz. Secundement il tiendroit en subjection par là le meilleur et plus fertille pays d'Escosse estant voysin de Lislebourg qui est la principalle ville d'environ X ou XII mil et de Dombarre VIII mil. Après cela, Sire, je ne sçay quelle mouche l'a picqué de m'user tant de privaulté que de m'envoyer aussy quérir le dessaing de Porlincraig qu'il m'a monstre, et est ung lieu sur le bord d'une poincte de terre laquelle entre ung peu en la mer et ne sembleroyt paz estre maulvaise à approcher et battre du costé de terre ne estre guères seur, mais pour y remedyer ledict protecteur a faict ung aultre fort suz une montaigne prochaine dudict Portincrag de façon qu'il n'est plus possible ainsy qu'il dict d'approcher le fort dudict Portincrag sans se

i. Voir ci-dessus, i«r juin.

[juin 1548] M. DE SELYE 367

raectre entre icelluy et celluy de la montaigne et au danger d'estre battu de tous lez deux. Et selon le portrait qu'il m'a monstre s'il est véritable semble bien y avoyr quelque apparence qu'ainsy soyt il. Il m'a aussy dict que lez dernières nouvelles que milord Grey luy avoyt mandéez estoint que quand il partiroyt d'Adingthon ce qu'il pensoyt faire bien tost il laisseroyt dedans en munitions, vivres, meubles et baigaigcs que Ton y avoyt retiré plus que ne vauldroit la rançon d'une royne d'Escosse quand elle seroyl prisonnière voulant dire par là que c'estoyt desjà une fort bonne ville dudict Adingthon. Je luy ay demandé d'où pouvoint venyr tous cez meubles et baigaiges sy les angloys ne les y avoint portés. À quoy m'a respondu qu'ils estoint dez escossoys d'autour quy les avoint là retirés pour les mectre seurement. Sy ainsy est, Sire, que ledict milord Grey se parte dudict Adingthon comme il mande, je ne puys penser que ce soyt pour passer plus avant sentent la venue de vostre armée mais plus tost pour se retirer après avoyr fourny la place n'ayant paz à l'adventure envye quelque forte qu'il la sente que voz gentz le trouvent dedans. Quy est la substance de tous les propoz que m'a tenuz le protecteur sinon qu'il m'a dict estre adverty que vous vouliés faire le mariage de la royne d'Escosse avec Monseigneur le Daulphin vostre filz dont je luy ay dict que je n'avoys ouy parler de ma vye. Il a esté faict à Adingthon ung combat entre deux gentilshommes escossoys naguères prins au chasteau de Yester desquelz l'ung est du nom de monsieur le gouverneur d'Escosse ainsy que vous, Sire, pourrez plus au long entendre par la description dudict combat que m'a envoyée monsieur le protecteur l'ayant faict traduyre en françoys selon que milord Grey la luy a mandée !. »

Le comte de Huntley a écrit à Selve qu'on l'envoyait dans une maison du roi d'Angleterre au pays de Kent et que le protecteur lui faisait de nouvelles avances. D'après les nouvelles qu'il avait reçues d'Ecosse, le gouverneur venait d'envoyer son fils aine en France ', et son second fils 3 à Dumbarton auprès de la reine d'Ecosse, près de laquelle était également le fils aîné du comte de Huntley '. Celui-ci envoie à Selve une lettre pour Jean Hay et une autre pour un Écossais demeurant à Dieppe : elles sont toutes deux dans ce présent paquet. Selve écrira à l'ambassadeur du roi en Ecosse par un des gens du comte qui part dans deux ou trois jours.

« De Londres, ce 8juing 1548. »

Vol. 7, f» 252 v°, copie du xvie siècle, 8 p. i/4 in-f°.