Ci-dessus

32 NÉGOCIATIONS DE [novembre 1546]

du baron de Saint-Blancard n'ont pas été acceptées, le roi d'Angleterre n'entendant délivrer que la galère et les soldats et non la personne du baron qu'il dit avoir donnée au capitaine Paston.

« De Londres, ce m™ novembre m t* xlvi.

Vol. 6, f° 55, copie du xvie siècle, 3 p. in-f».

SELVE A L'AMBASSADEUR DE FRANCE EN FLANDRE

61. — Londres, 4 novembre. — « Monsieur, je ne receus que hyerla gracieuse et bonneste lettre qu'il vous a pieu m'escripre du xv»e du passé plaine de démonstration de plus grande affection et amytié vers moy que je ne sçauroys mériter quand je seroys tel qu'il vous plaist de m 'estimer, de quoy je me sentz très fort tenir à vous et encores plus de ce que vous me voullés faire successeur de l'amytié que vous avez eue avec feu monsieur de Lavaur ' mon frère, qui est ung offre que j'accepte très vouluntiers et tiens bien chair, vous osant bien asseurer el proumectre de moy toute la correspondance d'affectionnée servitude el amytié vers vous qui sçauroyt partir d'homme de sy peu de valleur el de puissance que moy. Et quant à vous tenir informé des choses de deçà qui concerneront le service du roy, j'espoyre que vous n'y trouvères poinct de faulte de ma part, mesmement en m'advertissant par foys de ce que vous désirés sçavoyr de moy.

« Pour le présent je n'ay advis à vous donner qui ne soyt asses vieulx, car les dernières lettres que jay eues du roy estoint du xxmo du passé par lesquelles il m'advertissoyt des nouvelles qu'il avoyt d'Allemaigne du xnime dudict moys, qui estoint en summe que l'empereur avoyt faicl prendre par XVlll enseignes de ses gentz ung fort que les protestante avoint faict sur ugne montaigne au dessus de Tonnert *, lequel ib avoint habandonné pour aller secourir la ville de Nurlingue 3 devant laquelle l'empereur estoyt allé, et que par le moyen de quelque partialité qui estoyt en la ville de Tonnert lesdictz XYIII enseignes estoint entrées dedans et que l'empereur y alloyt loger avec toute son armée. Je ne faictz double que vous ne sçachez dès ceste heure lesdicles nouvelles et d'aultres plus fraisches dont je vous feroys aussi tost part sy j'en avoys, comme je pense que vous vouldriez à moy, ce qui me viendront souvent à propoz estant icy où la pluspart des nouvelles qui courent sont alléguées pour nouvelles de la court où vous estes auxquelles je sçauroys parfoys bien que respondre sy j'estoys bien informe de la vérité des choses. L'on me dict icy que le bruict de la court ou vous estes est que l'empereur s'en vient hyverner en Flandres, et les

1. Georges de Selve, évêque de Lavaur, né en 1506, mort en 1541.