LE PRINCE D'ORANGE A MM. VAN DORP ET DE RYCKE

11 leur réitère les ordres contenus dans sa lettre de la veille. — Il les charge de donner des explications au comte du Rœulx sur Tassistance que ceux des pays de Waes et de Beveren ont sollicitée de Tamiral Treslong, et qu*il leur a accordée.

HlODELBOUaG, i OCTOBaB 1576.

Messieurs van Dorp et de Rycke^ j'ay receu vostre lettre escriple du jour d'Iiier, et par îcelle entendu Testât des affaires de par delà : dont je suis esté très-content, et vous prie, ce pendant que serez encoire là^ de continuer en ce bon debvoir.

Je vous ay hier escript, parmons'' Mol, une lettre laquelle j*espère vous aurez receu. Et, encoire que je ne doubte que n'ayez bien entendu le contenu d'icelle, sy est que je ne me puis passer de le répéter icy sommairement^ et vous prier de vous vouloir régler selon icelle, touchant la retraicte de noz gens, laquelle je vous prie de faire, n'est que ceulx de Gand et les aultres membres soyent d'opinion de les retenir : auquel cas les solliciterez, afin qu'ilz envoient à leurs députez estans è Bruxelles, pour faire déclairer aux estatz leurdicte opinion : ce que mesme ilz pourroient faire par ledict S' de Mol, en cas qu1l soit encoire là, en faisant aussy entendre à icelluy les comportemens de noz gens, et le contentement que le peuple en a, afin d'anéantir les calomnies qu'aulcuns malveuillans vouldroient advancher par devers lesdicts estatz, contre la vérité.

Je vous prie de faire entendre à monsieur de Reulx que, comme il avoil donné licence à ceulx du pays de Waes de

faire levée de quelques gens , pour se garder contre la furie espaignole, ilz auroient envoie vers moy^ pour avoir quelque assistenee : ce que je leur refusiz, pour ne sembler vouloir entreprendre quelque chose sur ceulx qui sont du gouvernement dudict S' de Reulx. Toutesfois, depuis^ lesdicts de Waes et de Bèvre se sont adressez à l'admirai Treslong, estant en nostre flotte, le priant de leur vouloir bailler trois ou quatre de ses gens, pour estre commandeurs et conducteurs de ceulx qui estoient levez par permission dudict S' de Reulx, pour la conservation dudict pays de Waes et de Bevere, lesquelz sont aullrement rudes et ignares aux affaires de guerre. Et voylà toute la levée qui s*est faicte, de mon costé, ausdicls quartiers : dont je vous prie d'en vouloir advertir ledict seigneur, et Tas* seurer que je ne désire rien entreprendre es lieux de son gouvernement. Qui sera l'endroit où je prieray Dieu vous avoir, messieurs de Dorp et de Rycke, en sa saincte protection « Ëscriptà Middelbourg, ce iiij"* d'octobre 1576.

Vostre bien bon amy, GuiLLE DE Nassau.

Suscription : A messieurs van Dorp et de Rycke, estant de présent à Gand.

Copie dn temps, «ai Areklree d^Vpnt.

DLVIIL