XXIII. De Présentement d'yglise

1. Autresi est il fez requenois[s]anz de présentement d'église qui présenta a aucune yglise la derreniere perssone.

1 G. requejwissens, 2 G. sachant.

2. Il est costume en Normendie que li seigneur de la terre aient es yglises la droiture del patronage, se leur pere Forent en leur terre. Li lai se doivent donc porveoir que il présentent a l'evesque persones convenables, e li esvesques est tenuz a recevoir les, se elles sont convenables.

3. Il a sovant contanz qui présenta en aucune yglise la derreniere persone, e cil contanz est fînez en cort laie par le serement de xij. leaus homes, si comme nos deismes en dessesine.