LIV. Des Jurées

1. I loist a toz homes a tenir jurée en leur corz par ras[s]entement des parties de toz chatex e d'eritage, e a eslire les jureeurs par ras[s]entement a l'une partie e a l'autre; e ce n'apelle l'em pas reqenoissenc, mes jurée. De defaute, e de famé prise a force, e de multre, e de roberie fete en tens de pes, e de cels qui sont fuitif por aucun crime, cist plet^ e ces jurées ne pueent estre tenu fors en la cort le duc.