LXII. De Responsse

1. Plainte fu fete par devant le senechal qe li pledeeur bestornoient l'ordre de droit e metoient en la cort as 1 chevaliers cels qui n'avoient riens mesfeit en la merci an[s] chevaliers, en tel manière que se aucuns fust refiez d'aucune chose e il ne respondist mot a mot a toutes les paroles e ne s'en offrist au derrenier, il fust en la merci au segneur de la cort. De ce dist li senechaus que, se aucuns est acusez e il nie maintenant tôt , il respont bien, ja soit ce que il ne respont pas mot a mot a chascune parole; mes se il demande a consellier soi des choses de qoi il est acusez e il se part del lieu e se va conssellier, il doit respondre mot a mot e recorder toutes paroles a l'acuseeur e respondre i, ou il remaindra en l'amande de la cort. E se il dit einssi : « Ge ni tôt par les paroles dont vos me reftez », sanz recorder les, e bien en atendra le jugement de la cort si comme nianz ; par ce que il dit ce, offre il a desrenier s'en e respont bien, ja soit ce que il ne parole point del derresnier.

2. Cil qui est reftez e respo[n]t mot a mot a chascune parole e osfre a desrenier s'en, est bons pledierres; qar ce est commune chose en cort laie que cil qui einssis

1 G. al.

respont e nie se desresne par son serement, se cil qui le recete a tesmong.