partie de la compaîgnie et les aultres s'en allèrent en Ja ville

Le dimenche ensuivant furent faictes joustes es lices du chasteau de Chastellerauld, de plain jour; èsquelles joustes jousta le Roy de Navarre, messeigneurs le Daulphin, le duc d'Orléans, le duc de Oèves et plusieurs atiltres princes et seigneurs.

Lesdictes joustes durèrent assez longuement, et estoyent les yeulx et espritz de ceulx qui les regardoyent raviz de joye, et ne sçavoyent quasi de quoy plus leur esjouir ou de veoir le Roy en aussi bonne santé et prospérité qu'il fut jamais, aussi adextre aux armes et toutes honestetez, ou de messeigneurs ses enffans qui de tant près suyvoyent la vertu du Roy, leur seigneur et père, de sorte que chescun s'oblioit de toute mélencolie et prioit Dieu les voloir maintenir en cest estât à son honeur et profHct de la républicque.