LE CINQUIESME

Dieu mercy le temps est changé.

LE TIERS

Le peuple a esté oultraigé Parquoy fault qu'on le récompence.

PEXMISE.

Et dea, dea, messieurs on(t) commance [Dès] maintenant à se ressoir; Du bon temps le verres joyr, N*y a que d'avoir bon couraige.

Nouveau prince, nouvel usaige Et nouvelle[s] invencions.

LA Mias.

Honneurs muent les condicions Aucunes foys.

PREHIER.

Il est ainsy.

LA Mias.

Le peuple vivra sans soucy Désormes, en escript le tienne, Et qu'il soit ainsy ce le prenne, Car on voit en lieu d*un vendeur Maintenant régner ung donneur ; Entendez-vous bien que je dis ; Cella croist voulloir des hardis Et aux couards fait avoir cueur.

PREMIER

Certes, monsieur le croniqueur, Nous avons eu mainte fortune.

LE CIN^UIESME.

Trop ardemment aymer pécune Fait gens aller oblique voye.