Chapitre CCL^, De la vertus de Poiiiïjon et la Yre (f

Moy prieur ay leu es Cronicques de France, c'est assavoir Pouthon Saintraille et La Yre qui estoient natif de Gascongne. Et en XL lances desconfirent en Soyssonnoys le seigneur de Longueval ayant iiij* lances en sa compaignie. Et tantost après au pays de Lannoys, vers Nostre Dame de Liance *, trouvèrent Hector de Saveuze, Bourguygnon, ayant mil combatans et le desconfirent pareillement. En ce temps fut tué le duc Jehan de Bourgongne en parlant avecques monseigneur le daulphin, qui depuis fut roy de France, nommé Charles Vile. Et n'y avoit en la compaignie de chascune partie que dix hommes.

Aulcungs dient que ledit duc de Bourgongne desmentit Monseigneur le daulphin et parla à luy trop arrogamment. Et pour ce messire Taneguy du Chastel, qui avoit esté serviteur du duc d'Orléans que ledit duc de Bourgongne avoit fait tuer, luy donna le premier cop de hache. Et l'abatit tout mort à l'aide de ses compaignons. Aulcungs dient que ung nommé Froictier, homme plain de très grans vertus, qui avoit esté serviteur dudit duc d'Orléans en fut ung des principaulx consentans et conjurateur. J'ay leu aussy que Barbaran •', qui fut, chevallier sans reproche, fut l'ung de ceulx qui mena ceste esposée au mbstier*. Si fut depuis prins àMehung tenant la partie du roy et fut pour ceste cause longuement détenu prisonnier ^.

1. Suivent les articles insérés au § 277 de la Chronique de Charticr.