VIII

« Sta plus en loing , por Deu araor !

» Cum' pues-tu soffrir la puor?»

La bouche del puiz ouri ,

Et tele puor en issi ,

Ke soz ciel n'est hueme né

Ki sace dire la vérité. 200

Saint Pol lui a demandé

Qui sera iloc posé.

Saint Michel lui a dit

Ignelement senz contredit :

« Ki ne croient que Deu fust nez ,

)) Ne que sainte Marie l'eust portez ,

)) Ne que por le peuple vousist morir,

» Ne que peine deignast soffrir. »

Et puis si vit une altre gent ,

En une fosse senz vestement , ^10

Li un gisoient desus l'altre ,

Et volvoient comme pealtre :

La vermine est mult grande

Ki n'a cure d'altre viande ,

Nunt altre riens a porpenser

Fors ces chetiff a dévorer.

Puis vit un deable en l'eir voler.

Et mult grant joie démener.

L'aime portout d'un pecheor

Qui fut mort meisme le jor. 220

Li uns la boutent de là ,

Li altre l'enpeignent de çà,

« Faui tei chetive maleurée !

» A quele oure doulereuse fus unkes née?

» Dampne-Deu refusas ,

» Et envers nos t'aproismas. »

212. Volvoienly se roulaient, volvebant, 245. iVunt, ni jamais, nec unquam.