LIVRE I, CHAPITRE LXIV

doibvent estre sérieusement estucliées par celuy qui prétend à la sagesse , et desquelles cet œuvre est un abrégé et sommaire, sçavoir morales, (Economiques, politiques. Après elles, sont, les naturelles, qui servent à cognoistre tout ce qui est au monde à nostre usage, et ensemble admirer la grandeur, bonté, sagesse , puissance du maistre architecte. Toutes les autres ou sont vaines , ou bien elles doibvent estre estucliées sommairement et en passant, puisqu'elles ne servent de rien à la vie, et à nous faire gens de bien. Donc c'est dommage et folie d'y employer tant de temps, despence et de peine, comme l'on faict. Il est vray qu'elles servent à amasser des escus, et de la réputation parmy le peuple , mais c'est aux polices , qui ne sont pas du tout bien saines.