LIVRE 1, CHAP. XLVI

les aristocraties fameuses sont jadis Lacedemone et maintenant V enise ; les démocraties , Rome , Athènes , Carthage, royales en leur gouvernement.

La puissance publique subalterne , qui est aux seigneurs particuliers, est de plusieurs sortes et degrés, principalement cinq : sçavoir , seigneurs.

Tributaires , qui doibvent tribut seulement. Feudataires, vassaux simples , qui doibvent foy et hommage pour le fief: ces trois peuvent estre souverains.

Vassaux liges, qui outre la foy et hommage, doibvent encore service personnel , dont ils ne peuvent estre vrayement souverains.

Subjects naturels , soit vassaux ou censiers , ou autrement, lesquels doibvent subjection et obéissance, et ne se peuvent exempter de la puissance de leur souverain, et sont seigneurs.

La puissance publique subalterne, qui est aux officiers de la souveraineté , est de plusieurs sortes , et pour le regard de l'honneur et de la puissance, reviennent à cinq degrés.

Premier et plus bas des infâmes , qui doibvent demourer hors la ville , exécuteurs derniers de la justice.

2. De ceux qui n'ont ny honneur ny infamie , sergeans , trompettes.

3. Qui ont honneur sans cognoissance et puissance , notaires , receveurs , secrétaires.

4. Qui ont avec honneur, puissance et cognoissance , mais sans jurisdiction , les gens du Roy.

5. Qui ont jurisdiction, et par ainsi tout le reste 5 et ceux-cy s'appellent proprement magistrats; desquels y a plusieurs distinctions , et principalement ces cinq , qui sont toutes doubles.