DIZAINS CCLVIII-CCLX

Des Montz tout terme en forme haulte, & basse,

Tout lieu distant, du jour & de la nuict,

Tout intervalle, ô qui par trop me nuyt,

Seront rempliz de ta doulce rigueur. [I2°]

Ainsi passant des Siècles la longueur, Surmonteras la haulteur des Estoilles Par ton sainct nom, qui vif en ma langueur Pourra par tout nager a plaines voiles.

Sur fraile boys d'oultrecuydé plaisir ' Nageay en Mer de ma joye aspirée, Par un long temps, & asseuré plaisir Bien près du Port de ma paix désirée.

Ores fortune envers moy conspirée M'a esveillé cest orage oultrageux, Dont le fort vent de l'espoir courageux Du vouloir d'elle, & du Havre me prive, Me contraingnant soubz cest air umbrageux Vaguer en gouffre, ou n'y à fons ne ryve 2.