CCLXV

De mon cler jour je sens l'Aulbe approcher, Fuyant la nuict de ma pensée obscure.

Son Crépuscule a ma veue est si cher, Que d'aultre chose elle n'a ores cure.

Jà son venir a eschauffer procure Le mortel froit, qui tout me congeloit.

Voyez, mes yeulx, le bien que vous celoit Sa longue absence en présence tournée : Repaissez donc, comme le Cœur souloit, Vous loing privez d'une telle journée.