CXCV

Désir, souhaict, espérance, & plaisir De tous costez ma franchise agasserent Si vivement, que sans avoir loysir De se deffendre, hors de moy la chassèrent : Deslors plus fort l'arbitre ilz pourchassèrent, Qui de despit, & d'ire tout flambant Combat encor, ores droit, or tumbant Selon qu'en paix, ou séjour ilz le laissent.

Mais du povoir soubz tel faix succumbant Les forces, las, de jour en jour s'abaissent.