CCXXVI

Je le conçoy en mon entendement Plus, que par l'oeil comprendre je ne puis Le parfaict d'elle, ou mon contentement A sceu fonder le fort de ses appuyz : $ Dessus lequel je me pourmaine, & puis Je tremble tout de doubte combatu.

Si je m'en tais, comme je m'en suis teu, Qui oncques n'euz de luy fruition, C'est pour monstrer que ne veulx sa vertu 10 Mettre en dispute a la suspition.

Pour m'efforcer a degluer les yeulx De ma pensée enracinez en elle.

Je m'en veulx taire, & lors j'y pense mieulx, Qui juge en moy ma peine estre éternelle, 5 Parquoy ma plume au bas vol de son aele

Se démettra de plus en raisonner % Aussi pour plus haultement resonner, Vueille le Temps, vueille la Famé, ou non. Sa grâce asses, sans moy, luy peult donner 10 Corps a ses faictz, & Ame a son hault nom.