Au Roy

Madrid, novembre 1568.

Sire, Les depesches qu'il a pieu à Votre Majesté me faire du seze et vingt huict d'octobre me sont esté données le quinziesme du présent par mon courrier. Je ne feray faulte d'avoir Toeil aux affaires de deçà comme ilz passeront, afin d'enadvertir incontinent Voz Majestez; mais pour le présent, il me semble qu'il ne fauUrien craindre de ce cousté,carilzont plus de crainte du votre, voyant toutz vos subjeclzen armes, et que depuis que la France est France il n'y eust lant de vaillantz et expérimentez capitaines et soldatz qu'on y veoit aujourduy, et n'y a que ce malheur de division; car s'ils estoient aussi uniz et devotz k votre service comme ilz souUoient, vous n'avez roy ny potentast voisin qui vous peust résister, le voullant assaiUir; ce qui est tant bien congneu en ce royaume que les plus sages ont belle peur d'une reconsiliation entre vosd. subjects et que Votre Majesté pardonne de rechef aux rebelles. Toutesfois, ilz ont opinion que de ceste heure il y aura heu bataille en France et en Flandres, puisque les armes estoient si près les unes des autres; lesquc^Ues batailles, s'il plaira h Dieu vous en donner la victoire, réduiront la rébellion à l'obéissance qu'il apartient; et sont bien aises de la deffaicte que 3Ions' le duc d'Alve a faite dernièrement qu'ils comptent à deux mil hommes de pied et de cheval morts sur la place.

Ils ont pareillement advis que la peste est fort eschaulfée dans La Rochelle, qui leur est nouvelle bien agréable; et ne peuvent croyre que la royne d'Angleterre y envoyé secours quelque instance que les rebelles luy en facent par Mons' le cardinal de Chastillon, qu'ils ont sceu y estre à ces fins; et moins le fera

elle, après avoir veu ce que le Roy Catholique luy a escript, prié . et protesté de ne s'en mesler point. Quant est des advis qu'il a pieu à Votre Majesté m'envoyer du xxv et xxvj dud. octobre, le Roy Catholique en a receu aultant par la depesche de son ambassadeur, ainsi que le secrétaire Cayesnfafaict entendre, et n'estre besoin d'en advertir sond. maistre puisqu'il le scavoit desja.

Sire, je ne scay s'il y auroit lieu de soubspeçon et de penser sur quelle occasion il envoyé sa gendaimerie en Navarre ; car faignant de craindre que laRoyne dud. Navarre y vueille donner une alarme, il ne scroit pas impossible qu'il eust envye de s'emparer de ce que lad. Dame tient encore aud. païs et de Bearn aussi, et avoir congé du Pape, soubs prétexte (ju'elle est enncniye declairée de la religion catholique et roumaine; ce toutesfois, Sire, que je ne scay point autrement que par imagination, mais en telles choses on n'a pas acoustumé de dire qu'on se garde; ny les Casteillans n'advertirent pas le Roy don Juhan de Navarre du tourqu'ilz luy voulloient faire, quand ilz luy empiétèrent sond. royaume quasi pour occasion semblable; au reste, Sire, ced. S' Roy, votre frère, m'a faict dire qu'il a commandé au gouverneur de Fonterravie qu'il secoure Mons' le viconte d'Orthe de toutes les munitions qu'il aura besoin et je ne puis comprendre qu'il ayt sinon fort bon vouloir envers Votre Majesté.