Au Roy

Madrid, 4 mai 1569.

Sire, S'en retournant vers Votre Majesté Monseigneur le cardinal de Guise, je suis assez excusable si ccstc lettre va bien courte, car il s'en part amplement satisfaict et instruict de tout ce qu'il a pieu à Votre Majesté et à la Royne luy donner charge. Il ne me reste autre chose à vous compter des affaires d'Espaigne, sinon qu'ilz sont icy en merveilleux pensement de leurs gallères; car do xxiiij qui partirent de Marseille, il n'y a que celle du grand commandeur d'arrivée à bon port, laquelle est h Palamos. Il est bruict que la patronne du dur Florence pourroit estre perdue; on sc;aura dens peu de jours la vérité, n'estant possible de couvrir longuement leur fortune. Au regard. Sire, <les rebelles de Cirannade, ilz ne pourront guère durer davantage, car tout leur fault et s'cnfuveroient voluntiers en Barbarie, s'ilz avoient de

quoy passer la mer. Le l'oy de Portugal a armé une bonne flotte contre les Anglois, qui soubz couleur de certaines représailles ont prins quelques navires porlugois; leur royne d'Angleterre veut faire acroire au monde que France, Fspaigne et Portugal ne peuvent sinon bien petit auprès d'elle, et le croira led. monde si Vos Majestez luy endureront de continuer sans vous en ressentir. Ne voullant faillir de respondre à Votre Majesté que je n'ay faict faulte de comnmniquer aud. S' Roy et

à mond. s' le cardinal la lettre et advis qu'il vous pleust m'envoyer du cinquiesme d'avril que je receuz le xxij"*; et pouvez bien croire, Sire, que le Roy, votre frère, n'est pas fort aîze d'avoir si mauvais hostes en la Franche Comté, comme sont le duc de Deux Ponts et ses gens, desquelz il espère la vengence par voz forces, qui leur feront payer l'escot bien chairement.

Sire, le commandement du Roy Catholique a esté depesché h ses portz de mer pour accommoder voz gallères en leur passage de ponent; mais si Votre Majesté attendra le retour de mond. s' le cardinal de Guise, pourra estre qu'il vous plaira les retenir jusques en septembre, comme il vous dira la raison pourquoy.

De Madrid, le iiij"* de may 1S69.