Au Roy

Madrid, 2Cjuin 1369.

Sire, Ce qui m'a retenu d'escrirc à Voire Majesté depuis ma depesche du quinze de may a este que je attendois de jour en jour le retour du courrier qui debvoit porter la rezoUulion de l'Empereur; laquelle attente m'a mené jiisques h présent, estant led. courrier arrivé seuUement le xviij"' de ce mois^

Je voulois partir lendemain pour aller trouver le Roy Catholique, votre frère, au Bosc de Seg:ovie, alin d'entendre de sa propre bouche la rezoUution; mais Monsieur le cardinal de Siguence et le secrétaire Cayes qui scavent le peu de plaisir qu'on faict aud. Roy de l'aller trouver en ses maisons des champz, furent d'advis que j'atendisse qu'ilz luy eussent faict scavoir le dezir que j'avois, pour me gouverner après suivant ce qu'il respondroit ; qui leur a mandé n'y avoir lieu que je bouge d'icy; ainsi ont passé trois ou quatre jours; et le xxij de ced. mois, led. s' cardinal receust une lettre de Sa Majesté pour me parler; ce qu'il feist le xxiij™" que je fuz vers luy, où il me deist de la part dud. S"^ Roy et me pria d'avoir patience d'atendre son retour en cestc ville; car il alloit faire ung passage au monastaire deParracez, oii il n'arresteroit poinct; ains seroit le jour S* Pierre xxix"" du présenta Escunal et dens la fin de la sepmaine prochaine seroit en ceste ville; pendant lequel temps Sa Majesté verroit les lettres qu'il a receu par led. courrier; lesquelles il n'avoit encore heu loisir de lire, et me declaira entièrement leur contenu, comme pareillement il depeschera tantost après ung courrier esprez pour vous faire entendre, Sire, et à la Roync bien parlicullierement l'intention dud. S"^ Empereur. Autre response ne me pourroit il faire pour le présent, bien me promectolt led. s' cardinal sur son honneur et pour la vida del Rey que Voz Majestez demeureront fort contentes. J'eusse voulu et en av faict mon debvoir de tirer une plus claire response dud. cardinal, auquel j'ay remonstré qu'en ceste saison d'une guerre si eschaulfée comme elle est dans le cueur et en plusieurs endroictz de votre Royaume pour la querelle de toute l'Eglise Catholique et de toute chrestiensté, il n'y a lieu de passer froidement ung faict que vous, Sire, prenez et avez à cueur sur tout aultre; car telles dillations dont le propoz

est en termes de trois ou quatre ans en çà ne vous peuvent contenter, mesme ayant promis ced. S' Roy à Monseigneur le cardinal de Guise qu'en arrivant lad. rezoUution, tout aussy tost il la luy feroit tenir pour la dire à Voz Majestez. Icelluy cardinal de Siguence, Sire, m'a respondu plusieurs fois n'y avoir autre remède pour ceste heure, sinon d'atendre que ced. S' Rov soit icy, car il vouldra respondre clairement sur toutz les poinctz qu'il faut resouidre en votre mariage, aQn d'evicter à longueur et perte de tempz. Je croy, Sire, qu'il veult consulter led. négoce comme très important avec led. cardinal et son conseil d'estado ; ce qu'il ne peult commodément estant aux champz. Le secrétaire Cayes m'a juré par mil jurementz qu'il n'y a finesse ny mauvaise intention en ce qui m'a esté respondu et que les lettres que ceste Majesté vous escript présentement et à la Royne de sa main sont pour vous prier de n'entendre en aucun accord ny paix avec le duc de Deux Ponts ny avec voz rebelles, mandant au duc de Nagera et à don Francés d'Alava qu'ils se gectent plustost à voz piedz pour vous en supplier, car il est vray, Sire, que led. duc de Nagera a escript d'Avignon que lad. paixse traictoit; et je croy que ced. ambassadeur l'escrivoit aussi par le courrier qu'il depescha de Paris le xxv"" de may, lequel me donna Ja depesclie qu'il pleust à Votre Majesté me faire de nouveaulx le xix^S qui me fust rendue le ix"' du présent; et le jour delà Penthecouste arriva mon courrier avec celle de Reims du xij"* dud. may, ausquclles, Sire, j'ay satisfaict par lettre envers le Roy, votre frère, à cause qu'il estoit à Aranxois; et luy representiz Testât de voz affaires, suivant les discours qu'il avoit pieu à Voz Majestez m'envoyer, l'un du progrès de l'armée de Monseigneur d'Anjou et l'aultre de l'armée de Monsieur le duc d'Aumalle, remerciant de votre part Sa Majesté pour le secours que le conte de Mansfeld vous a mené ; luy racontant le contentement que vous, Sire, avez receu et recevez du bon et notable debvoir que

led. conte et les siens font contre voz ennemvs. Led. S*" Rov m'a

faict respondre par led. Cayes le xvj"" de ced. mois qu'il remercie Votre Majesté de la part qu'il vous a pieu luy donner de voz affaires, très desplaisant que le duc de Deux Ponts soit entré en votre Royaume et du dommage qu'il y faict, mais très satisfaict aussi que le service dud, conte vous est agréable»