N- 181. — 26 JUIN

bonne grâce et servitude de Madame qu'ilz tiennent desja pour leur royne.

Au reste, Madame, le voyage que vous avez faict au camp de Monseigneur d'Anjou a donné grand soubspe(;on qu'il s'v traictoit d'accord, duquel ilz ont icy belle peur, craignant que la tcmpeste aille puis après tumber sur les Païs Bas et ne s'asseurent poinct trop que le duc de Deux Ponts ne fust homme de venir en Espaigne, si la paix de France se faisoit et qu'il n'eust grand suitte d'autres hugnenotz. Je leur ay dict et asseuré que votred. voiage. Madame, est pour autres fins et considérations que celle de la paix et qu'on entendrabien que de votre vcnueeri l'armée accompaignée de Messeigneurs les cardinaux de Bourbon et de Lorrhaine et d'autres s'* de votre conseil ne succédera que tout bon ordre à la confusion et perte des ennemys.

Madame, j'ay visité Mesdames les petites Princesses qui se portent fort bien; et m'a commandé Madame Ysabeau de vous escrire que elle vous prie de luy envoyer des jonches et des marbres pour jouer. Elle a la parole distincte et a son commandement. Madame Catherine commence à parler quelques motz, et au moins a elle ung mot fort comun en sa bouche, c'est d'appeler bobbe celle des dames qui ne faict à sa volunté. J'ay, au demeurant, receu les lettres qu'il a pieu à Votre Majesté m'envoyer du xij* au xix« de may. Et pour ce que les s" de Laguian et de Tregoyn ont escript qu'il vous a pieu me faire donner ung office de consellier de Tholoso, je ne veulx faillir d'en remercier très humbleftient Votre Majesté. Ce sera pour m'aquicter envers lageneralle d'Albenne. Il sera votre bon plaisir. Madame, de faire contenter l'ambassadeur d'Espaigne des douze mil realz qu'il m'a prestez, il y a ung an, car il a grand raison de se repentir de m'avoir secoru par deçà en maneccessité. Pour fin. Madame, le Roy Catholique, après avoir esté icy, s'en retournera aud. Bosc passer les grandz chaleurs; la Princesse de Portugal et les Princesses de Bohême aussi; puis s'en iront en Aragon tant pour tenir les cours de Mousson comme pour recevoir la Princesse Anne; le mariage de laquelle est très agréable aud. S' Empereur; et l'aura dens la fin d'octobre à Barcelonne, s'il la veult. Et n'est pas moins bien aize de faire sa seconde fille Royne de France, en quoy n'y aura nul retardement, s'il ne tient à cesle

Majesté, car je Tay ainsi entendu. Toutesfois il y pourra intervenir de la ceremonye espaignoUe et tirer les chozes à quelque longueur pour ce qu'ilz dient que les mariages des roys doibvent estre conduicts avec autliorité. réputation et gravité. J'enlendray mieulx la vérité de ce faict par la response de ced. S' Roy et d'ailleurs tant qu'il me sera possible, dont j'en advertiray Votre Majesté par ung des miens; et suis adverty, Madame, que une bonne Hotte debvoit partir de Portugal pour aller aux Isles Tercereau devant de leur flotte des Indes, et autre armée demeure preste h Lisbonne pour tout ce qui fera bezoin. De Madrid, xxv^*"" jour de juin 1569.