A la Royne

Madrid, 6 août 1569.

Madame, Je n'ay pas failly de représenter au Roy Catholique en mon audience du x\'"' du passé toutz les poincts contenuz en la depesche de Vos Majestés du quatriesme; et luy ay donné la lettre de votre main. Il me demanda si la lettre qu'il escrivoit à Mons^ le duc d'Alve par Monseigneur le cardinal de Guise luy fust estée donnée et que là dessus il eust faict telle responce. Je ne le luy ay sceu dire, pource que les vôtres n'en font mention; bien luy ay je dict esfre vray semblable qu'il la debvoit avoir receue, car mond. s' le cardinal ne l'auroit retenue jusques à son arrivée sans la vous envoyer. Là dessus il m'a respondu qu'il le croyoit ainsi et sans s'esmouvoir, comme il ne s'esmeut jamais

pour chose qui luy advienne, au moins qu'il le donne à cognois- Ire, il nn'a dict que la lettre qu'il esoript aud. duc par ladepesohe que mon secrétaire vous est allé porter, Sa Majesté luy commande si expressément de vous secourir et servir en propre personne et de toutes ses forces contre voz ennemys qu'il s'asseure qu'il n'y aura plus de repplique; et neantmoins.afîn de couper toutes longueurs, il me promist de luy faire nouvelle recharge.

Et fault, Madame, que je vous confesse que je n'ay rien desguisé aud. S' Roy du contenu es lettres de Voz Majestez, ains les luv av leues mot à mot; et linablement les advis: car il n'v avoit parolle en tout cela qu'il ne deubt veoir et entendre; et quand autrement fust. j'eusse bien sceu me garder de luy lire et comniuniquer ce que je luy debvois tenir secret. Je feiz entendre à Sa Majesté Tadvis que j'avois receu de Monsieur le baron de la Garde, qui estoit arrivé au port de Tarracronne après avoir eschappé à peu de perte d'une bourrasque en traversant le goulfe de Narbonne. Sa lettre est du viij"' juillet. Sa Majesté me respondit qu'il venoit de scavoir que votred. armée estoit passée à Carthagenne saine et saulve, tirant la route de Gibeltar. Les autres propoz vont par la lettre du Roy ou par la response des articles que je luy presentiz après mad. audience; desquels je luy feiz remonstrance de bouche lorsque je parlay à luy et me promist de vous rescrire.

Madame, le bout de l'an du Prince ' se feist à vespres le lundy XX v"" juillet, et lendemain à la messe les Princes de Bohême s'y trouvèrent, les ambassadeurs et seigneurs de ceste court portantz capes longues et bonnetz de drap à leur mode. Le Roy Catholique s'est teneu retiré au monastère de S' Jheronime, depuis le xxiij"* jus(|ues au xxvij™*. Madame la Princesse de Portugal a esté bien mallade de fiebvre tout led. mois : elle commence à se lever. Mesdames les I^rincesses. voz petites lilles. se portent bien et toutes deux ont senti quelque petite altération durant ces chaleurs, comme le sieur Anthonio d'Almede tesmoignera à Votre Majesté; car je l'ay mené prendre congé desd. Altezes pour vous scavoir parler de leur santé. Les trois

' Don (larlos.

dames françoises Ariie, Riberac et S' Legier remercient très humblement Votre Majesté de l'honneur et bien qu'il vous a pieu leur faire; elles estoient très désolées sans votre faveur. J'entcndz que elles s'achemineront vers Narbonne lendemain de Notre Dame d'aoust conduictes par ung cavaillero, homme d'honneur et de qualité, qui les consignera es mains de celluy qu'il plaira à Votre Majesté ordonner qui les reçoive aud. Narbonne. Le brodeur de la feu Uoyne espousera Pregnon ; et une partie des officiers de lad. Majesté s'en vont avec lesd. dames, sans oblier une petite niepce de la Cousture, qui servoit à mad. Dame de fdle de chambre, qui aura son mariage comme les autres, quand elle trouvera son party.

Et pource, Madame, que led. Almeyde m'a prié ,luy donner à vous apporter ceste depesche, je ne la luy ay vouUu rcffuzer, m'asseurant qu'il vous en rendra bon compte; et neantmoins à toutes adventures je Tay accompaigné du chevaucheur. Ne voullant faillir à vous dire, Madame, que puisque vous prennez l'alliance de Portugal par ung si cher gage que de leur donner Madame soeur du Roy, je croy qu'il vient à propoz d'obliger led. Almeyde h votre service; car il est Portugallois et homme qui cognoist les cours dud. royaume et de Castille; et s'il vouldra vous servir fidellement comme il promect, il pourra vous donner advis de maintes choses incogneues aux Francjois, veu qu'il n'y a homme de votre part qui scache conmient on se gouverne aud. Portugal aujourduy; et je vous puis faire bon, Madame, qu'il s'est monstre de mon temps affectionné serviteur de Vos Majestés de ce (|u'il a peu en homme qui n'a pas faultc d'entendement; ce que j'ay espérance qu'il continuera et fera de bien en mieulx, selon le moyen qu'il vous plaira luy donner en riiostel de mad. Dame sa Royne, auquel hostel, selon que j'entendz, no seront retenuz aucuns gentilzhommes ny ofliciers d'aultre nation que de Portugal: lequel article sera mis en avant des premiers. 11 sera votre bon plaisir. Madame, de commander que led. Ahneyde soit rembourcé de] son présent voyage.

Madame, l'ambassadeur de l'Empereur m'a dict que quelques traictez et pactes qu'on fasse icy, que son maistre en vouidra faire la conclusion par delà, conmie le principal contrahant, qui ne sera jamais si tost qu'il dezire; car oultre son si grand conten-