A la Royne

Madrid, 19 août 1569.

Madame. Je croy que cejourduy le sieur Antlioine d'Almedo arrivera vers Votre Majesté avec ma depesche du vj"" du présent qui vous rendra compte de ce qui se olîroit lors par deçà. J'attendz d'heure en lieure qu'il me vienne quelque courrier avec la responce qu'il aura pieu au Roy et à vous, Madame, faire à ma depesche que mon secrétaire vous apporta du moys passé, mesme et principallement pour menvoyer commission de traicter les mariages suivant ce qu(^ j'ay escript à Votre Majesté de la part de Sad. Majesté Catholi(|ue, ([ui pensoit bien (jue votred. pouvoir seroit icy desja le dixiesme de ced. mois; et ainsi l'avoit mandé et faict scavoir au roy de Portugal^ afin qu'il envoyast le sien. Je ne scay si mond. secrétaire sera allé seurement, veu les dangers des chemins, car aussi n'ay je rien receu de voz partz depuis les lettres du quatriesme de juillet, jaçoit que Votre

Majesté m'asscurast par icclles que j'aurois de voz lettres tous les huict jours.

Led. S*" Roy, Madame, a esté faire ung passage jusques à Escurval, où il a faict la Nostre Dame. 11 fut de retour her soir; on dict qu'il ne partira de ce lieu que ce ne soit pour s'acheminer en Aragon où il y a du difterent entre toutz les estatz et peuples dud. royaume, qui sont bandez contre ceulx de l'Inquisition ; lesquels soubz ce prétexte prennent cognoissance de toutes causes et sur toute manière de personnes à la rigueur; de sorte qu'il y aapparence de veoir advenir des troubles et sédition, s'il n'y sera remédié de bonne heure; car de plus, le Pape veult juger dud. différend pour ce que lesd. estatz sont appelantz à Sa Saincteté contre l'Inquisition. Et Sa 3Iajesté Catholique ne vouldroit que l'appel allast à Rome; parquoy tant à occasion de cela que d'autres rigueurs desquelles Sa Saincteté uze envers ced. S' Roy et ses ministres et a uzé, il n'y a pas toute la meilleure satisfaction du monde entre eulx. Neantmoins led. Père S' ne veult rien faire ny céder, ny ced. S' Roy perdre ne diminuer. Par ainsi c'est toujours et de nouveau prester occasion l'un à l'autre d'estre mal contentz.

Aussi n'est pas de petite importance d'avoir vcu que les Morisçois dud. Aragon et du royaume de Valence n'ont voulu quicter les armes, ains sont toutz pretz pour se deffendre, si l'on essaiera de les oultrager, n'estant pas moins de cent mil hommes de deffence. Ces doubtes, à ce que je suis adverty, feront que Sad. Majesté Catliolique différera longuement d'aller aud. païs, quand n'y scauroit encore la venue de la Princesse Elizabeth qu'il vouldra aller recevoir à Barcelonne et accompaigner ces Princes de Bohême jusques au port, quand ils s'embarqueront sur les gallères qui auront mené lad. Royne comme il estrezollu; et n'est à obmectre l'alarme qu'ilz ont aud. Aragon et en ceste court de quelques gens des terres de la royne de Navarre, qui sont venuz jusques auprès de Jacque en nombre, et dizent les advis de trois mil chevaulx et de six mil liomes de pied; choze impossible, comme je leur ay dict pour plusieurs raisons. Ced. bruict toutesfois est cause d'avoir envoyé quelques capitaines aud. Aragon pour faire gens promptemcnt afin de résister ausd. Biernois qu'ilz dizent estre huguenotz; et je le

croy, s'il y est rien descendu; mais ce ne peuvent avoir esté quelque petit nombre de voleurs. Pareillement, Madame, le capitaine Soliz, maistre de camp des quatre mil soldats qui doibvent aller en France, m'a dict encore hier qu'il luy est commandé de partir d'icy tirant en Navarre et y estre devant que les bandes y arrivent; lesquelles il n'atendra point à les mectre en masse; ains avec les premiers qui arriveront passera oultre, car cela hastera toutz les capitaines de marcher et le suivre en dilligence. Bien m'a dict que lesd. capitaines l'ont adverty qu'ilz ont leurs gens prestz et de bons soldats; il sollicite le paiement et qu'il soit donné quelques bons appoinctements à ung nombre de soldatz signalez, qu'il y aura en chacune compagnie, car il y va tout plain de soldatz vieulx et hommes cogneus; mais c'est de beaucoup meilleure volunté que s'ils alloient en Itallie. Et pour ung homme qui se présente pour la guerre de Granade, il s'en trouve dix pour passer à votre secours. Quoy que soit, Madame, je cognois que lad. alarme des Huguenotz de Bearn sera cause que led. secours arrivera plustost qu'il n'eust faict; et aymera l'on mieulx en Espaigne que toute la guerre se face par delà, quoyqu'il leur couste que si partie des enemys les venoit fâcher en Navarre ny en Aragon.

Et touchant aud. Navarre, don Jehan Manrri(|ue y est surintendent de toutes choses, lequel faict reparer Pamplonne ; et red. S' Roy luy envoyé ung ingénieur itallien qui vient d'Oran et s'appelle Jehan Baptiste Touello, auquel il a donné huict cens cscuz et va pour dessonguer et forliffier ung certain endroict sur le passage de Ronsesvaulx, dont je n'ay vouUu faillir de vous donner advis par la voye de Mons' le cardinal d'Armaignac, à qui j'adresse ma lettre par Gilles, courrier de l'Empereur, lequel arriva icy le vj"*^ du présent, et s'en retourne avec la response des articles que les princes de l'empire avoient présentez aud. S' Empereur, aulx fins «l'accommoder les affaires des Païs Bas, tant d'une part que d'autre; lesquelz articles furent envoyez à Sa Majesté Catholique par le courrier qui arriva en ceste court le xviij" de juin; et n'ont peu estre plustost responduz, mais c'est qu'il n'en veult accepter ung seul ny acceptera qu'il ne luy couste toutz lesd. païs devant que les consentir. Led. S' Roy, Madame, a receu lettre de son ambassadeur

d'Angleterre du v de juillet que la royne luy avoit declairë qu'il n'est point arresté,ains en sa première liberté, et luy a faict donner ung meilleur logis qu'il ne souloit avoir, Tasseurant qu'elle veut demeurer bonne seur de Sa Majesté Catliolique, confessant lad. Dame royne avoir esté trompée par faulx donner entendre d'aucuns personnages; surquoy sont passées les choses qu'on a veu qui l'ont contrainte d'armer, mais qu'elle avoit commandé à desarmer par mer et par terre et promccloit de vouUoir vivre bonne soeur et voizine du Roy Très Cbrestien, lequel n'aura moleste ny ennuy par son moyen; et de ce qu'elle avoit envoyé quelques refreschissements à La Roclielle. c'a esté en revenche de certains présents que la royne de Navarre luy avoit envoyés, mais non en intention de secourir ni advitailler les rebelles de Sa Majesté Très Chrestienne. S'il sera ainsi. Madame, vous serez hors de doubte dud. cousté comme semblablement led. S' Empereur a mandé aud. S' Roy Catholique qu'il ne vous fault soubspeçonner d'AUemaigne, car il y a mis tel ordre avec l'empire qu'il n'y aura prince ny seigneur ou colonnel qui essaye d'entreprendre sur votre Royaume. Je prie Dieu qu'il soit ainsi et vous doinct victoire et entière obéissance de ceulx qui si fort travaillent Vos Majestés.

Vous aurez, Madame, peu entendre par le bruict qui a coru et je l'ay escript comme d'autres que de six à huict mil Moriscois de Grannade avoient esté tués on bataille par le marquis de Velles; ce qui a esté cru quelques jours, mais la vérité sceue ce n'ont esté sinon trois ou quatre cens desd. Mores. Il est vray qu'ils ont abandonné ung fort qu'ils tenoieut, qui leur importoit grandement et n'y a point faulte aussi que leur petit roy el toutes ses forces fuvoient comme dains sans atendre bonnement les premières arquebouzades. Enfin, Madame, j'ay à vous adviser que Madame la Princesse Yzabeau, votre petite fille, a senty un peu d'altération encore depuis l'allée d'Almede, mais sans garderie lict et est guerye. Touchant à Madame l'Infante Catherine, elle est sevrée et se porte très bien qu'il ne luy chault de sa nourrice aucunement.

Madame la Princesse de Portugal a encore ung peu de fiebvre et se levé aucunes fois pour aller d'un lict à l'autre; on doubtoit qu'elle eust une aposteme à l'estomac; ce n'a esté que

lia DÉPÊCHES DE M. DE FOURQUEVAUX

opilation de foye. Elle n'en vauldra pas moins, Dieu aidant.

Madame je retiens le courrier dernier venu pour le renvoyer par la première occasion.

De Madrid, le xix"' d'aoust 1569.