Au Roy

Madrid. 5 novembre 1569.

Sire, Depuis ma lettre dii dernier d'octobre, j'ay aprins que neuf gallères sorties du port de Laraix en Barbarie qui est hors du destroit de Gibeltar, ont donné sur l'isle de Lancalole aux Cannaries. prins et bruslé quasi toute la ville et les églises et faict grand nombre d'esclaves, entre aultres six dames de bonne maison. Aussy ont recogneu toutz les portz de la grand Canarie. prins les navires ou bruslez qu'ilz y ont trouvez, donnant à entendre quilz y veuUent retourner pour rompre la navigation du Peru et des Indes de Portugal. Ceulx desd. isles ont envoyé supplier le Roy d'Espagne, leur seigneur, qu'il les vueille secourir, et il leur envoyé cinq cens homes. Lad. descente fut h» xxij"* de septembre. Aussy ung turc. Sire, a tué le petit roi des Morisques rebelles de Grannade à cause qu'il avoit faict mourir ung aultre turc pour crime. Hz ont esleu ung oncle dud. roy petit pour leur roy, lequel est bien plus sufiizant pour commander que n'estoit sond. nepveu, 11 fera beaucoup toutesfois s'il se pourra défendre des forces que le Roy, votre frère, faict lever contre culx. et croy qu'il y employera les quatre mil soldats qu'il avoit promys de vous envoyer, car je viens d'entendre qu'ilz sont encore à Victorie et aux environs sans faire semblant de passer oultre. Mais s'il est ainsy. je ne fauldray pas d(» luy en parler ung mot; vous asseuraiil. Sire, que Votre Majesté ne debvroit voulloir pour grand priz (jue led. secours se fust trouvé a la bataille; car les Espagnols se venteroyent h jamais que les leurs eussent tout faict. comme ilz se ventent de celle de Dreux.

Sin*. il no m'a esté possible de vous faire plustost ceste depes<*he: et Votre Majesté m'en peult bien croire: mesmc en escrivant ceste lettre je suis atendant les lettres que Sa Majesté Catholicque m'a mandé vous voulloir escrire de sa main ; et vont par ceste depesche les articles que l'ambassadeur de l'Empereur et moy avons disputez: et telz y en a que Votre Majesté les trouvera bien estranges. Je vous supplie très humblement. Sire, que la responce qu'il vous plaira me faire sur iceulx soit si claire

• Autographe. IMbl Nat.. ms. fr l()lo:i ï'^ 582.

.V 199 ET 200. — 5 NOVEMBHE 1509 185

que votre ignorant anibassa<leur qui faicl ce qu'il scait n*v puisse faillir ne prendre une clioze pour aultre contre votre intention et service. Estant d'opinion. Sire, que Votre iMajeslé doibve clioizir le plus droit cheiniri de Vienne d'Austriclie en France pour la venue de Madame la Princesse Izaheau, quand vous en serez à cela^ et ne perniectez point que elle passe par llallieny sur les estats de Sad. Majesté Catholicque. ny à (lennes; carsembleroitetfauldroitquelad. Dame qui s'appellera la Royne de France fist la court et compajjrnie h la Royne d'Kspagne. Et, Sire, pour aultres respectz je ne vouldrois que elle vint par mer comment que ce soit; mais vous avez le chemin de rAUemaigne. qui luy sera seur, libre et aizé. venant à Metz par le plus court. Jamais home de bien nv volleur dud. nais n'ozeroit essaver de faire desplaisir à mad. Dame estant sous la protection de l'Empereur, son père, et de l'empire.

Sire, je prie Dieu qu'il vous maintienne et conserve très longues années en très acomplie santé et prospérité.

De Madrid, le cinquiesme de novembre 15()9.

Sire, comme je signois ceste lettre, est arrivé le s' Jeronimo Gondy, qui m'a donné les depesches (|u'il a pieu à Votre Majesté m'envoyer par luy; au contenu des(|uelles. je feray comme je suis tenu; et mesbahis cpie le courrier que je depeschiz d'icy le xxviij de septembre n'est pierà vers Votre Majesté. Et pour ce que Sa Majesté Calholic(|ue sera de retour d'Escuryal dès le viij ou ix"" de ce mois, led. s' Gondy et moy atendrons de luy baiser la main de votre part juscjues à sond. retour.

Votre très humble, très obeyssant et très obligé subject H serviteur.

FoiinrKVAllA.