NO. 241 ET 242. — 11 JUILLET

De sa main : Madame, ung personage m'a dict n'y avoir rien plus vray que les Morisques de Granadc persévèrent en leur obstination et euydent avoir uzé d'un grand strategeme de s'estre deschargez d'environ trente mil bouches disutilles entre homes qu'ilz tenoyent pour suspectz, c'est à scavoir ceulx qui ont capitullé avec Sa Majesté Catholicque et vieilles gens, fcmes et enffans, qu'ilz n'avoyent de quoy les nourrir; car ceulx qui restent, desquelz on ne scait le nombre, ilz sont toutz homes de combat; et secours leur est venu de quatre cens Mores ouTurcz, ensemble vivres et munitions que le roy de Fez leur a envoyé sur dix huict petites fustes parties du port de Laraix, desquelles au retour don Sancho de Leyne en a prins cinq ou six, car estoycnt vuydes de gens et de ded'ence; et n'y a trouvé sinon vingt Mores mariniers et vingt chrestiens forçatz.

Votre très humble, très obeyssant et très obligé subject, vassal et serviteur.

FORQUEVAULX.