Au Roy Catholique

Madrid, 1" juillet 1569.

Lettre au Roy Catholique envoyée au Roy Très Chrestien,

Sire, J'attendois bien la niesme response que Monsieur le cardinal de Siguence me feist hier de votre part; car d'un si catholique et très magnanime Roy comme vous estes, Sire, il fault tousjours en espérer tout confort et secours. Dont je n'ay voulu faillir en baizer très humblement les mains à Votre Majesté par ceste lettre, me tennant certain que Monsieur le duc d'Alve aura bienstost votre commandement en tel langage et de la chaleur qu'il apartient résister de son cousté aux dessains des ennemys, comme en semblable que les quatre mil soldatz espaignols entreront en France par Bayonne dens le plus bref tempz qu'il sera au monde possible; lequel terme il est fort raisonnable que je scache dire et promectre à la Royne ma maistresse par ma depesche, afin quelle soitasseuréc dens combien de jours elle en

peult faire estât. Ce qu'il sera le bon plaisir de Votre Majesté, Sire, commander m'estre dictet declairé quelz chefz en auront la charge, ensemble les autres particuUaritez qui servent à tesmoigner qu'ilz auront promptement led. secours; car par cela on s'en asseurera mieulx en notre camp.

Sire, il est croyable que led. S' Roy, votre frère, aura sceu à quel jour est party de Vienne le courrier qui a apporté la response de l'Empereur touchant son mariage et je n'ozeroîs faillir de l'advertir par mad. depesche qu'il est arrivé en votre court le xiij"* du mois passé. A ceste cause, Votre Majesté sera servie, s'il lui plaist de me commander ce que j'en doys escrire à leurs Majestez Très Chrestiennes; car il importe beaucoup qu'ilz scachenl au vray en quoy ilz en sont. Et plaise à Votre Majesté me pardonner si je lui oze dire que la dillation en cela ne peult estrc sinon fort suspecte pour plusieurs respectz; car ils scavont en France que la Majesté dud. S' Empereur dezire que ce qui s'est de si long temps propozé sorte effect; et ne tiendra en luy comme je suis certain qu'il ne restera par Votre Majesté, Sire, que toutes Voz Majestez n'aient bientost leur contentement; duquel toutz les bons cognoissent que la paix universelle deppend à la confusion des maulvais.

De Madrid, le premier de juillet 1569.