CHAPITRE V
Massacre de la Saint-Barthelemy.
Pour commencer le discours de ce qui vous arriva le vingt-quatriesmejour d'aoust, et dire aussi quelque chose des adventures du Roy vostre maistre , et du prince de Condé , nous vous ramentevrons ce que nous vous en avons oùy conter , à sçavoir : que vous ayant fait dessein d'aller faire vostre cour ce jourlà , vous vous estiez couché la veille de bonne heure , et que sur les trois heures du matin , vous vous resveillastes au bruit de plusieurs cris de peuples , et des allarmes que l'on sonnoit dans tous les clochers. Le sieur de Sainct Julien , vostre gouverneur , et vostre valet de chambre , qui s'estoient aussi esveillez au bruit, estans sortis de vostre logis, pour apprendre ce que c'estoit , n'y rentrèrent point , et n'avez-vous jamais sceu ce qu'ils estoient devenus. De sorte qu'estant réduit vous seul dans vostre chambre , et vostre hoste , qui estoit de la religion , vous pressant d'aller avec luy à la messe , afin de guarentir sa vie et sa maison de saccagement , vous vous résolus tes d'essayer à vous sauver dans le collège de Bourgongne. Pour ce faire, vous pristes vostre robbe d'escolier, un livre sous vostre bras , et vous mistes en chemin.
Par les rues , vous rencontrastes trois corps de garde , l'un à celle de Sainct Jacques , un autre , à
OU MEMOIRES DE SULLY, [i^a] 2^1
celle de la Harpe, et l'autre, à l'issue du cloistre Sainct- Benoist. Au premier , ayant esté arresté et rudoyé par ceux de la garde ; un d'entr'eux prenant vostre livre, et voyant que (de bon-lieur pour vous) c'estoit de grosses heures , vous fit passer : ce qui vous servit de passe-port aux autres. En allant vous vistes enfoncer, et piller des maisons , massacrer hommes, femmes et enfans, avec les cris de tue, tue > 6 huguenot, 6 huguenot : ce qui vous faisoit souhaitter avec impatience d'estre arrivé à la porte du collège , où en fin. Dieu vous accompagna , sans qu'il vous fust arrivé autre mal que la peur. A l'abord le portier vous refusa deux fois l'entrée de la porte-, mais en fin, moyennant quatre testons que vous luy donnastes, il alla dire au principal , nommé la Faye , que vous estiez à la porte , et ce que vous demandiez : lequel aussitost meu de compassion (estant vostre particulier amy) vous vint faire entrer, empesché toutesfois de ce qu'il feroit de vous , à cause de deux ecclésiastiques qui estoient dans sa chambre , et qui disoient y avoir dessein formé de tuer tous les huguenots, jusques aux enfans à la mammelle , et ce à l'exemple des Vespres Siciliennes. Neantmoins, par pitié, ce bon personnage vous mit dans une chambre fort secrette, dans laquelle personne n'entra que son valet, qui vous y portoit des vivres , et vous y servit trois jours durant, au bout desquels il se fit une publication de par le Roy , portant deffences de plus tuer ny saccager personne.
Auquel temps, deux archers de la garde , sujets de monsieur vostre père, l'un nommé Ferrieres et l'autre la Vieville, vindrent avec leurs hocquetons et halebar-
2/^2 [r^72l «ECONOMIES ROYALES,
des à ce collège, pour s'enquérir de vos nouvelles, et les mander à monsieur vostre père , qui estoit fort en peine de vous , duquel vous receustes une lettre trois jours après , par laquelle il vous mandoit de demeurer à Paris , et d'y continuer vos estudes comme auparavant; et pour ce faire , il jugeoit bien qu'il vous faudrait aller à la messe , à quoy il vous falloit résoudre aussi bien qu'avoit fait vostre maistre et beaucoup d'autres , et que sur tout il vouloit que vous courrussiez toutes les fortunes de ce prince jusqu'à la mort, afin que l'on ne vous pûst reprocher de l'avoir quitté en son adversité : à quoy vous vous rendistes si soigneux , que vous en acquistes l'estime d'un chacun.
Or , pour vous parler de son adventure , nous vous avons ouy dire que, deux heures devant le jour, ils furent resveillez luy et le prince de Condé , par grand nombre d'archers de la garde , qui entrèrent effrontément dans leurs chambres , et leur firent commandement, de par le Roy, de s'habiller et le venir trouver sans espées; ce qu'ils furent contraints de faire, et, en sortans de leurs chambres, virent percer de leurs gentils-hommes de plusieurs coups de halebardes. Ayans es^té présentez au roy Charles , il les receut avec un visage farouche et des yeux ardents de courroux ; et après plusieurs blasphesmes , injures et reproches de luy avoir fait la guerre , il leur commanda de quitter leur b -le religion, qu'ils avoient prise pour servir de prétexte à leur rébellion ; et sur quelques refus qu'ils firent de changer leur religion , il entra en une furieuse colère, puis leur dit : qu'il ne vouloit plus estre contredit en ses volontez par ses subjets 5 mais que par leur exemple les autres apprissent à le re-
OU MEMOIRES DE SULLY. [^^J nfô
verer comme estant limage de Dieu , et à n'estre plus ennemis des images de sa mère. Et , après plusieurs menaces et injures, leur commanda d'aller à la messe, ou qu'il leur feroit faire leur procez, comme estans criminels de leze majesté divine et humaine-, et leur furent ces paroles réitérées , tant de fois , que finalement ils cédèrent à la force , sans que cette obeyssance aveugle rendist leur condition beaucoup meilleure, sinon par boutades , et selon les caprices de la Cour -, tantost ce prince estant traitté comme libre , et lors ces domestiques avoient liberté de le venir servir (à quoy vous vous rengiez fort soigneusement) et tantost comme prisonnier et criminel , et lors vous estiez tous chassez ; mais, en quelque condition que vous fussiez , vous preniez toujours le temps de continuer vos estudes , sur tout de l'histoire ( de laquelle vous faisiez desja des extraits, tant pour les mœurs que les choses naturelles ) et des mathématiques , lesquelles occupations faisoient paroistre vostre inclination à la vertu.
Apres que cette sorte de vie eut duré quelque temps , advint la mort du roy Charles , peu après laquelle , toute la Cour s'achemina vers Lyon , pour aller au devant du roy Henry III , qui revenoit de Pologne, auquel voyage vous suivistes le roy de Navarre.
Pour l'esclaircissement desquelles choses et de celles qui se passèrent durant les années 1572, 15^3, 1574 et 1^75, nous nous sommes résolus de faire un chapitre, d'un certain recueil que vous aviez fait d'icelles , que nous trouvasmes escrit de vostre main parmy de vos vieux papiers , que nous visi-
2^4 C1^2] 0ECON0MIES ROYALES,
lions pendant que vous estiez de séjour à laRochelle ; lors que la Reine mère vint en Poictou , il estoit tel que s'ensuit.
