CHAPITRE X

DE l'église CATHEDRALE DE BOVRGES.

L'Eglise et temple de St Estienne , Cathédrale et Archiépiscopale de Bourges, est Métropolitaine et Primate d'Aquitaine; laquelle en l'an de lésus Christ LXXXVH fut, par Leochadus , n^ duc des Gaules, fondée et édifiée en lieu fort hault et éminent , où premièrement estoit son palais qui est le costé de l'Orient. Elle est fort grande et haulte à merueille, et construicte auec artifice admirable d'architecture et despence inestimable, car au front de son entrée elle a cinq petits portaux fort proprement taillez, enrichiz de plusieurs et diuerses histoires tant du vieux que du nouueau Testament; puis, des deux cousiez, deux haulles et massiues tours, dont l'une est ancienne et l'autre moderne, dont la moderne tomba parterre en l'an MDVI, par faulte de bon fondement, et fut acheuée de rédifier plus belle qu'elle n'auoit esté en l'an MDXXVHl (1). J'ay mesuré ladicte église et treuué quelle a de longueur 54 toises et 3 piedz, et de largeur, sans comprendre les chappelles, 21 toises 5 piedz; et la largeur de la nef 6 toises 2 piedz , deux poulces, le tout mesure du Roy.

(1) L'exemplaire sur vélin porte : iS3S.