CHAPITRE XXI
DE LA VILLE ROYALLE d'YSSOVLDVN.
YssouLDUN, que les anciens ont appelle Ypsoldun, est seconde ville de Berry, située sur la riuière de Theol, laquelle court continuellement sans jamais tarir pour tant grande sécheresse qu'elle soyt , ny moins gèle par extrêmes froidures : quy est vn grand bien au pays circonuoisin , pour la nécessité qu'ils auroyent des farines esdictes saisons de sécheresses et froidures, si par le moyen d'icelle riuière ilz n'estoyent secourus. Sa source vient (comme i'ay cy deuant dict), d'une belle fontaine appellée Theol, entre le chasteau de Bomyers et la paroisse d'Ambroz, laquelle rend l'eaue en telle abondance qu'a trente pas de la source elle faict mouldre vn molin. Et d'icelle est tirée vne branche qui passe par ladicte ville d'Yssouldun pour la manifacture des tanneurs, teincluriers-et aultres commodilez des habitans , laquelle branche est appellée la riuière forcée de Theol; et au dedans delà ville faict mouldre deux molins et plusieurs aultres à bledz et à tan qui sont près de ladicte ville , et si produict en oultre abondance de tresbons poissons.
A Yssouldun y a ville et chastel , qui sont diuisez de murailles et grands fossez, seruans pour la forteresse dudict chastel, lequel est fort ancien et enuironné de bonne quantité de tours. Et y a vnne par dedans grosse , oultre toutes les aultres, très-
belle, et fort hault esleuée', sur vnne motte, dedans laquelle y a puysjet cisterne; et d'icelle sont mouuans et tenus du Roy en foy et homage à cause de son duché de Berry plusieurs Baronnies , Chaslellenies, et aultres beaux fiefs qui seront cf après déclarez.
Au dedans d'iceluy Chaslel , non loing de la grande porte, y a vn Monastère de religieux de l'ordre St Benoist, intitulé l'Abbaye de Nostre Dame d'Yssouldun , lequel est presque du tout ruiné et demoly, combien qu'elle vaille de mille à vnze cens liures de ferme par an ; par la fondation duquel se treuue (qui fut en l'an CM), que le circuit desdictes murailles du Chastel estoit anciennement la ville , et la place d'icelle estoit ou présent est ladicte Abbaye construicte , qui, au parauanl , estoit au lieu où est le temple St Denis lez lad. ville; et cela fut à fln d'exempter ladicte Abbaye et religieux des guerres, courses et inuasions des Anglois, lors estans en France.
La ville s'estend en longueur de l'Orient à l'Occident, et est beaucoup de plus grande estendue que le chastel. Il y a vnne fort belle et longue rue habitée et peuplée de diuers marchans et artisans. Il y a vn grand temple dédié à St Cyr, qui est la grande paroisse et église canonicale; et vn aullre temple et pa-. roisse appellée St Jehan, et vn beau et grand hospital pour* loger des panures , aiant de reuenu de douze à quinze cens liures par an.
En ladicte ville y a quatre portes toutles conduictes par grands et long faulxbourgs , dont le premier, qui regarde à l'Orient, s'appelle le faulxbourg St Jehan, auquel y a vn grand et beau couuent de Cordeliers, et l'hospital et maladerie St Ladre, qui est sur le chemin de ladicte ville d'Yssouldun à Bourges. Le deuxiesme fauxbourg, qui regarde l'Occident, s'appelle St Paterne ou St Patier, auquel y auoit aultrefois vn beau grand temple , lequel ensemble auec le fauxbourg furent bruslez, par le prince de Galles, enuiron l'an M. CCCLVI et s'en uoyent encores les vielles ruines et masures , près desquelles y a belle fontaine pour l'aisance et commodité du fauxbourg. Le troisiesme , qui s'estend au Septention, s'appelle le fauxbourg de Rome, à l'issue duquel passe et découlle la riuière deTheol, qui, là, est si grande et espacieuse, que l'on la passe sur les ponts, qui sont de soixante à quatre vingt pas de'long. Et au delà ladicte riuière , ioignant le bord d'icelle, du costé du Midy, est le quatriesme fauxbourg appelle St Denis, auquel y a beau
temple du nom de St Denis , qui est paroisse collégiale de chanoines de fort ancienne fondation. Et sont touts lesdicts faubourg peuplez et habitez de grand nombres de vignerons, manuuriers et geni rustiques, la pluspart estrangers.
La ville d'Yssouldun fut confisquée au roy Philippe-le-Bel sur le seigneur de Chauuigny, qui y auait deux parties , et l'aultre tiers partie fut acheptée par le mesrae Roy pour la somme de mille Hures Parisis, des seigneurs de Cullant, laquelle ils auoyent eue par succession et alliance auec ceux de Chauuigny. Et y érigea ledict Roy vn siège royal qui est le plus beau et de la plus grande estendue de touts les aultres en Berry ; car il limite les pais de Blezois , Touraine , Poictou, la Marche de Limosin, le Bourbonnois , et du cousté de Bourges iusques au fleuue de Cher, comme sera cy après déclaré. Pour l'exercice de laquelle justice, y a , en ladicte ville et chastel, bon et grand nombre de personnes notables et de grand scauoir; laquelle y est, à ce que i'en ai peu veoir et entendre , fldellement administrée , et surtout pour le s"" d'Orsaine , lieutenant général audict siège , et Mons"" Artus , procureur du Roy. Aussy est ladicte ville décorée du priuilége d'exemption de tailles, pour la fidéhté gardée par les habitans d'icelle à leur Roy et Souuerain Seigneur, et aultres causes déclarées en leurs anciens privilèges. Toutes fois, au lieu de^dites tailles, se payent impositions au Roy sur les bleds , vins etUoutes marchandises et denrées vindues en ladicte ville. La principale traficque des habitans de ladicte ville d'Yssouldun est de menu bestial, moutons et brebis. Et s'y ont commoditez de bois, bleds, pour le pais. Mais sur tout elle est renommée pour les laines qui sont meilleures et plus fines de tout le duché et autres pais circonuoisins; et aussy de la grande quantité des excellens vins qui croissent es vignobles des enuirons.
En ladicte ville y a marchez toutes les sepmaines et huict foires franches touts les ans , qui tiennent en ladicte ville les premier iour de may, St Jean-Baptiste , la veille St Marc, le jour de la Magdaleine, la vigille Nostre Dame de septembre, les jours St Denis , Ste Catherine , St Paul , et le lundy d'après la Micaresme : et s'y a halles pour vendre les grains et les aultres marchandises.
