DE LA VILLE DE MEHVN
Mehun est ville royalle de Berry, assez belle et marchande et de médiocre grandeur , ceincte et enclose de bonnes murailles, quantité de tours, et de bons fossez; size sur le fleuue d'Eure, en bon et fertille pais, lequel abonde en touts bleds, pasturages et grandes prairies qui s'estendent le long dudict fleuue , sur l'angle plus éminent de la ville où soûlait estre le viel Chasteau qui fut ruiné par les Anglois. Charles , VII* du nom , Roy des Françoys, se délectant (ainsy que touts vertueux Princes) au plaisir de la chasse à cause des grandes foreslz, buissons et garennes voisines de St Laurens sur Baren-jon , d'Allongny et autres, plaines de cerfz, biches, cheureux et sangliers, feit construire et édifier, par singulière architecture, le plus beau et sumptueux chasteau de tout le Berry, Car oultre qu'il est de
beaucoup plus fort que la ville, tant pour l'espesseur et haulteur des murailles et tours, il est assiz sur vn fort et roidde rocher, au pied duquel, comme aussy le long de la ville, coule et fleue la riuière d'Eure; et sur l'Orient sont les grandz maraiz appeliez l'estang, auec vne longue chaussée d'environ deux cens pas, au' bout de laquelle y a vne tour ronde , enceincte et close de muraille, qu'ils appellent la tour des champs. Puis, du cousté de la ville, qui semble estre le plus foible, ledict Chasteau est circuy de très larges et très profondz fossez , lesquels se peuuent remplir d'eau de ladicte riuière en temps de nécessité. Ledict chasteau, puis quelques années, fut par vne nuict, par feu et fouldre du ciel, tellement bruslé et ruyné qu'il a tousiours depuis esté déshabité, combien qu'il y ayt vn capitaine pour la garde d'iceluy et de la ville, qui a cent liures de gages par chascun an. Et dudict chasteau sont mouuans plusieurs beaux fiefz, comme ie diray ci-après; et non loing de là, du cousté de la ville, y a vng assez beau temple, du tiltre de Nostre Dame , qui a droict de Chanoines et de Paroisse. Et hors la ville , y a deux beaux faulxbourgs, accompaignez de plusieurs beaux iardins, joinct que la susdicte riuière, oultre ce qu'elle est abondante en tous poissons d'eaue doulce, porte aussi d'assez grands bateaux. En ladicte ville y a marchez touts les Mercredis, et deux foires franches tous les ans, qui s'y tiennent, l'vne, le jour des Brandons et l'auUre le jour de St André. Ledict Roy, Charles VII*, voulant encore plus décorer sa ville, laquelle auparavant n'estoit que simple Chastellenye , y érigea vn siège Royal particulier du Bailliage de Berry, avec Lieutenant particulier et aduocat du Roy, et aultres officiers pour administrer la Justice.
r^-;^ ^ " CHAPITRE XXXIIl.
