SCÈNE III

l'arceducre.

Certes or ne scay que ie face , Car penser me met à meschief, Tel que n'en puis venir à chief, Quant de moy évesque on ne flst.

Cest estât point ne me souffist, Ne mon cuer ne peut raemplir Quant il me cotrera fléchir A genoux pardevant ce maistre.

Et la main au chaperon mettre Pour li révérence porter.

Se ie voulsisse et pour raison Car de gens de plus hault renom Qu'il n'y a nulz en son parage, Sui nez, et de meilleur lignage; Mais ce li fait sa dominité.

Hélas! je pense en vérité Que se pour mort fine estoit.

Que de moy évesque on feroit; Car ie n'y say homme vivant Qu'en ce pays sy souflîsant.

En aroit lors mon cuer grant joye; Certes tout maintenant voulroye Que de mort soubite moreust, Mais qu'à évesque on m'esleust.

Si le feray-ie, se ie puis, Briefnient

Parquoy à cel honneur venray A quoy ie tens.