DES MÉMOIRES INEDITS DE JEAN DE HAYNIN

( Voy. les Notices de la Bibl. Laurentienne de Florence. )

Je m'étais prowis de ne pas grossir ces Notices, déjà trop volumineuses, par des fragmens empruntés aux ouvrages inédits dont j’ai fait la description bibliographique; mais le Conseil de la Société de l'Histoire de France m’ayant demandé communication du récit de la bataille de Montlhéri (en 1465) tiré des Mémoires du seigneur de Haynin, je me suis fait un devoir de répondre au désir de cette Société, qui compte parmi ses membres tant de savans et d'historiens distingués.

« Lendemain 13° de juillet, partant du pont de Saint-Cloud, allerent loger à Issy, où ilz eurent avis que le roy et son armée venoit avant, approchant de Paris, et que pareillement les ducs de Berry et de Bretaigne estoient aussi près d’eux que l’armée du roy : mais ceux de nostre camp n’estoient de rien estonnez de la venue du roy, et faisoient bonne chere.

Le 15°, laissant pour la garde du pont de Saint-

Cloud et auires lieux à l’entour, un gentilhomine de Haynaut, appelé le sieur de la Motte, toute l’armée vint loger à Monlhery, qui est sept licues delà Paris; et y estant arrivée l'avant-garde, incontinent le conte de Saint-Pol manda à ceux du chasteau , que, s’ilz vouloient baïiller et adresser vivres pour argent, que l’on ne leur demanderoit rien, ny mefferoit rien, en cas qu’ilz ne fissent rien à ceux de l'ost : ce qu'ilz . accorderent, et alloient et venoient par l’ost et faisoient par semblant très-bonne chere. Or Philippe de Mainstains, sur le soir, avec huit ou neuf compagnons, departit chercher quelque adventure et vint à un village nommé Caties, et tantost apercut un homme accoustré d’orfaivrerie avec quinze ou seize chevaux venir sur luy, et doutant qu’il y auroit plus grand nombre de gens derriere, se retira doucement et vint faire le rapport au conte de Saint-Pol, qui en avertit le conte de Charolois, et y fut tantost envoyé son espie, qui rapporta que audit Cattes il y avoit environ six cens chevaux et que l'avant-garde du roy s’y attendoit. Sur quoy, le conte de Charolois manda au conte de Saint-Pol, qu’il avoit choisy lieu pour attendre le roy et pour donner la bataille, etque luy, avec l’avant-garde, allast là endroit, et cstoit ledit conte de Charolois logé à Longumelle. Mais le conte de Saint-Pol manda arrière, que, pour mourir, il ne demarcheroit point, et qui le voudroit là endroit treuver, qu'on l'y treuveroit; et sur ce, il fit trute son armée et avant-garde departir et tirer aux champs hors du village de Monlhery : et pouvoit estre environ mynuit, et faisoit très-brun, et viderent hors ledit village par le mesme lez que l'on y estoit.entré,

sans ce que la pluspart de l’avant-garde sussent pourquoy ni à quelle cause. Et incontinent que l’on fut hors dudit village, chascun en son harnois, on faisoit ce qu’on vouloit : les uns demeuroient à cheval, les autres descendoient et se couchoient tout armez ; le autres se pourmenoient, et ce duroit jusques au jour, car les nuits estoient courtes; et incontinent le jour veu, le conte de Saint-Pol alla visiter le lieu, et puis, se mit en bataille, le dos tourné contre le bois à la main senestre du chemin qui va de Paris à Monlhery, le visage tourné vers le chasteau ; et ce fut le 16° jour de juillet, et n’eut aucun de ladite avant-garde loysir d’ouïr messe ni de desjeuner ni eux ni leurs chevaux, . ce que vint à plusieurs mal en point ce jour là. Et comme, tantost après, le conte de Saint-Pol entendit les approches de l’avant-garde du roy, il manda au bastard de Bourgogne, qu’il luy envoyast deux mille archers de sa compagnie, ce qu’il fit; et gueres après, y vint luy-mesme, et se mit en bataille, du rang des autres, à la bonne main du grand chemin, dessus le comble de la montaigne; et puis après, le seigneur de

Ravestains, le conte de Charolois et les autres y

vindrent et se mirent en bataille, et faisoient affuster quatre ou cinq serpentines devant les archers et hommes d'armes, car toute l’artillerie ne fut pas dressée, et ainsy campés, attendirent la venue des François long espace de temps jusques qu’enfin l’on vit venir des avant-courriers descendans de costé et d’autre; puis, suivoit en bel ordonnance tout le camp du roy, qui, de fait à fait, ainsi qu’il arrivoit, se mit en ordre et bataille tout au long d’une grosse haye bien espaisse, et ce fut en-

viron lessept heures du matin, etsins que de nul des deux partis fust envoyé personne pour scavoir leur intention et volonté, ni pourquoy chascun d’eux estoit là endroit venu ne à quelle cause.

La premiere salutation que les Charolois firent estoit un coup de serpentine , et incontinent après, des autres, dont les adversaires furent merveilleusement estonnez et esparpillez. Mais tantost ilz se rallierent et rendirent semblable bonjour. Mais comme les François estoient campez en la montaigne et les Bourguignons en la vallée, ilz tiroient quasi tousjours par-dessus nos testes, dedans les bois ou vi- , gnes jusques qu’ilz changerent leur visée. [lz furent, long espace de temps, reguardant les uns les autres, avec petites escarmouches, en quoy s’exerçoient Philippe de Mainstains et Cillahon d’Ene. Puis, le conte de Charolois donna charge de bouter le feu dedans le village de Montlhery pour deux raisons : la premiere afin que nul de ses gens en fusse trompé, tué ou blessé, ou prins des François, y pensant aller repaistre à cause de ce qu'ilz avoient grand faim et grand soif, et qu’il y avoit des biens assez; l’autre cause fut pour en faire vider les François qui sy estoient boutez et qui par là endroit escarmouchoient et grevoient les Charolois ; et y fut bouté le feu, mais à grande difficulté, car les François firent grande deffense, et y eut grande appertise d'armes d’un costé et d'autre si quamment M. Antoine de Hallevin, fils et frere du sire de Hallevin, et Baudechon de Lannoy, frere du Begue de Lannoy, sy porterent vaillamment.

Ce fait, les gens se remirent en leur ordonnance,

= 195 — et alla Le conte de Charolois à l’entour de son camp, admonestant et encourageant ses gens, son pennon à demi desployé après luy, lequel portoit Philippe d'Oignies, sire de Quesnoy-sur-la-Reulle , à cause qu’il estoit son premier escuyer-tranchant. L’estendart du conte de Charolois estoit tout de soie, myparty de noir et de violet, à un bel brancage l’un parmy l’autre. Celuy du seigneur de Ravestain estoit de soie tout vermeil, à un brancage d’or; celuy du conte de Saint-Pol, my-party de soie grise et rouge, à un licorne d’argent au bout de dessus envers la lance, à-tout la corne et le bout des pieds d’or, et si avoit escript de grandes lettres d’or : Mon mieux ; celuy du bastart de Bourgogne estoit jaune à une grande barbecane bleue dedans et son mot de lettres bleues pareillement, et ses archers avoient paltoz rouges àtout la croix de saint Andrieu blanche, et une barbecane au milieu de la croix. Ceux des archers du conte de Charolois estoient de drap my-party de noir et violet, les archers de corps ayant une croix de saint Andrieu de deux bastons neutilleux dedans, un fusil, et un Cet Y ès deux costés dudit fusil tout d’orfaivrerie; les archers de corps du conte de Saint-Pol avoient paltoz, le dessous de drap gris decoupé et le dessus de drap rouge tout chargé d’orfaivrerie, à une houppe au milieu, devant et derriere, sans avoir la croix de saint Andrieu. Ztem, ceux du seigneur de Ravestain avoient paltoz tout rouges, à-tout la croix de saint Andrieu blanche et une chiffre au milieu qui se monstroit à facon d’une M, et son estendart estoit pareillement gris et violet, avec un oiseau de proie et des perdrix d’or. Ztem, l’estendart du sire de

Fiennes estoit party de noir et de violet et un grand G et un grand F dedans d’or, et une grande tadorne d'argent, et les paltoz de ses archers otelz. L’estendart du sire d’Aymeries party de blanc et de rouge; l’estendart du sire de Neuvil rouge à trois rondes boucles d’or; l’estendart du sire de Haves bleu et rouge à une damoisel d’or dedans et de lettres d’or escrit: Pour cause; la banniere de Philippe de Waurin, sire de Saint-Venant, avec les plaines armes de Waurin à trois lambeaux d’argent; celle du sire de Fontaine en Haynaut escartellée de Hennin-Lietard et de Luxembourg. Le conte de Saint-Pol et ses trois fils et neveux de Fiennes n’y eurent nulles armes, à cause de ce que on estoit contre le roy, ne nulles cottes d'armes.

Le susdit jour seiziesme , il faisoit hideusement chaud , ce que travailla merveilleusement les Charolois, qui avoient bien peu d'ombre, et estoit la terre où leur camp estoit assis chargée de bled et ahannée et labourée par grans riolz et trop plus grans que selon l’usaige de Flandres ou d’Artois. Or, pendant ceste attente, vint nouvelle que les gens que l’on veoit devant eux n’estoient que l’avant-garde du roy et que le reste de son camp suivoit avec sa personne et la grosseartillerie, et que partant on devoit penser ce que on avoit à faire, attendu que l’on estoit en un lieu où il n’y avoit aucuns vivres et que l’on pouvoit bien doubter que le marechal Joachim avec les Parisiens pouvoit bien venir par derriere; qui fut cause que le conte de Charolois ordonna au conte de Saint Pol prendre cinq ou six cents lances et trois ou quatre cents archers, et escarmoucher aux gens que l’on

veoit devant luy pour les essayer et veoir leurs forces, aussy pour les deslier, si estoit possible, devant venir plus grand secours, parce que nos gens estant en cette longue attente se debilitoient de faim et de soif et de soleil.

Mais ce bruit n’estoit veritable , qui avoit couru, que le roy n’estoit encore arrivé, car l’on treuva le contraire veritable et que le conte du Maine son oncle estoit avec, ayant amené environ cinq cents lances, blasmant le roy de ce qu’il avoit delibéré de combattre, et comme il ne put destourner le roy de ce conseil, il luy dit : « Monsieur, j’estois venu avec vous pour vous servir et vous accompagner et moyenner quelque bon accord entre vous el votre beau cousin de Charoloïs et autres princes de votre sang, et non point pour les vouloir combattre, et puisqu'il vous plaist faire ainsy et non autrement, je m'en vais : adieu vous dis / » Et ainsy se partit avec toute sa compaignie, dont plusieurs hognèrent grandement à l'encontre de luy, car il sembloit qu’il dust avoir pris congié plus tost et sans venir si avant. Et quand le roy, de vray, sceut son partement et qu’il l’avoit en ce point abandonné, il dit qu'il estoit trahy. Neanmoins ne s’esmut de rien et tint son ordonnance, et exhortant ses gens, appresta de combattre les Charolois devant l’arrivée des duc de Berry son frere et duc de Bretaigne : et luy sembloit que comme la compagnie desdits Charolois estoit la plus forte, que, s'il avoit gagné celle-là, bien aysement il viendroit au-dessus desdits ducs de Berry et de Bretaigne ; aussy sçavoit que les gens du conte de Charolois estoient lassez et travaillez, ayans, en peu de

jours, fait de grands chemins ; en outre, sçavoit que le seigneur de Neufchastel, mareschal de Bourgogne, frere au seigneur de Montaigu, avec ses Bourguignons n’estoit encore arrivé.

Ces choses, si que dit est, advenues, le conte de Charolois ordonna que tous les cranequiniers à chevaliroienttout devant, et y allerent à grand trot, tout en un hot, sans aller en bataille, et m'est avis que M. Philippe de Berghes seigneur de Grimberghes estoit ainsy que l’un des principaux chefs et conducteurs desdits cranequiniers , et allerent ces dessusdits de si grand maniere envers les François, qu’il sembloit qu'il n’y eust que pour eux. Mais incontinent après qu'ilz vinrent emprès la haye où les François estoient en bataille à main senestre, ilz planerent devant eux en couvrant leurs chevaux et en allant vers chasteau; et ne se meurent les François pour eux. Le conte de Saint-Pol suivit incontinent, et les autres princes et seigneurs avoient charge de demeurer auprès de l'artillerie et le charroy où 1!z avoient esté tout le jour. Et ainsy que les archers marchoient à pied devant et les hommes d’armes à cheval, lesdits archers ne peurent à peine si roidement marcher, car la distance estoit grande et faisoit chaud à merveille, et avoient mal desjeuné, combien qu'il estoit environ les douze heures et avoient esté armez de devant le jour; et estant à ladite haye, tirerent à force sur les François, qui estoient pour la pluspart à cheval. Quoy sentant, les François montoient plus haut vers le chasteau, qui faisoit penser à plusieurs qu'ilz se tournerent en fuyte, et partant fut ordonné que chascun de ceux qui estoient demeur-

rez à pied à la bataille, qu'ilz eussent à monter à cheval et poursuivre les ennemis fuyans; ce que fut fait en si grande haste, que plusieurs, ne treuvant leurs chevaux, monterent les chevaux d’autruy, et entre autres, le sieur de Fiennes, qui avoit le meilleur cheval qui fust au camp, appellé le Bon Moreau, ne le treuvant, monta sur un bayart qui estoit à Rus dit le Liegois de Humicres, et en ce trouble, advint que M. Jacques de Jamont, sieur de Fayneulles, fut attaint d’une serpentine en la jambe senestre et eut la jambe rompue, dunt il tomba par terre avec grand floq, car il estoit grand et puissant de sa personne : il estoit fils du seneschal de Haynaut. Estant relevé par ses gens et estant porté à l’oriere du bois, se confessa et estant appelé un maistre, dont il y avoit bonne foyson au camp, luy coupa le pied, car ainsy estoit besoin, ce qu'estoit dommage, car c’estoit un noble, hardy, beau et puissant chevalier, et fut grandement plaint.

Les Charolois monterent à force la montaigne et poursuyvirent les François comme ilz pensoient, et y eut grand rencontre et y eut dès alors plusieurs tuez et prins, d’un costé et d'autre. Et comme les François de ce rencontrer estoient la pluspart ceux de leur avant-sarde, les autres, voyant que nos gens tiroient en grande diligence devers le haut de la montaigne et du chasteau et laissoient leur artillerie derriere, en toute force descendirent et ruarent sur ladite artillerie et charroy, jusques au nombre de deux à trois estendarts, et en tuerent beaucoup de ceux qui estoient à l’entour dudit charroy, et plusieurs firent tourner le dos, et par especial unc grande quantité

de cranequiniers à cheval, puis plusieurs autres tant à cheval qu’à pied, mesmes gentilshommes derenom, laissant et abandonnant honteusement leur seigneur et prince; et ce advint, parceque ceux qui premierement] estoient allez avec le conte de Saint-Pol essayer à rompre les François, se voyants chargez si roidement desdits François, et cuydant treuver le reste de l’armee auprès de ladite artillerie et charroy, reculoient tout doucement devers là, en s0y defendant le mieuxqu’ils peurent, et se trouvant frustrez, furent contraints se mettre en fuyte, pensant que les autres estoient enfuis et perdus : plusieurs d’eux fuyrent jusques à Saint-Cloud, d’autres retournerent incontinent, ayant aperçu qu’ilz estoient abusez, et vindrent à temps de la bataille. Il y en eut grand nombre de prisonniers de ceux qui fuyoient.

Or donc les François vindrent franchement et baudement jusqu'à l'artillerie et forcerent les chartons de mener leurs charriotz au camp des François, menant grand butin et beaucoup de prisonniers nobles et ignobles, et allerent si avant dedans, qu’ilz vindrent jusqu’à la personne du conte de Charolois, lequel ilz trouverent à bien petite compaignie : car ses gens, pour la pluspart, estoient desbandez et espars; et de fait, il y en eut un qui le prit par sa baviere et lui disoit : Monseigneur, rendez-vous, je vous congnoïs bien ! Et le bon conte se revengeoit et deffendoit du mieux qu’il put, sans mot dire; et quand ilz percurent qu’ilz n’en auroient autre chose, ilz bucquirent tant sur luy, qu'ilz luy abattirent sa bavière, de force de horions; puys, s’y en eut un qui lui lança un estoc au col, lui cuydant couper la gorge,

mais Dieu le garda de mort : toutefois fut bien dangereusement navré, et celuy qui luy bailla ledit coup n’alla gueres loin, qu’il fut tué en la place et plusieurs de sa compaignie. | | Le conte de Charolois porta le gré et renommée

que les deux premiers qu'il recongnut de ses gens,

qui s’advançassent de le secourir et rescourre à iceluy besoing, estoit un nommé Jehan Coterel, fils de maistre Jehan Coterel, un des medecins au duc de Bourgogne, et l’autre, nommé Colinet de Croy, natif de Picardie. Le conte de Charolois se recula luy et ses

gens le mieux qu’il pust, de telle vigueur et de telle force , que la pluspart de tous ceux qui s’estoient fourrez et embattus si avant sur luy et ses gens, furenttous tuez ou prins; età celle recharge les François furent autant estonnez qu’avoient auparavant esté les Charolois,:et en fut grande quantité de tuez; les autres se sauverent à leur mieux, car le grand courroux du conte et de ses gens n’avoit de nulli pitié ni rançon : le sire de Bruelle avait prins un prisonnier qui lui avoit donné sa foy et son gantelet, et desjà offert dix mille escus pour sa rançon, mais il lui arracha des mains et le tua. La vaillantise du conte de Charolois carisa ce recouvrement, quiautrementavoit perdu icelle journée qui luy est tournée tant victorieuse , et en laquelle il n’a perdu nul prince ne seigneur de grand estat, et bien peu de ses gens, outre ceux qui furent tuez devant arriver au charroy, car les François furent si empeschez à piller, qu’ilz ne pensoient point à leurs ennemis. Le sire de Roussy, fils du conte de Saint-Pol, pour sa première guerre s'y porta bravement : il creança de sa main

M. de Saint-Belin et eut son espée, mais à faire ce presentlivre, encore n'estoit-il venu acquitter sa foy, et ledit sire de Roussy garda toujours son espée : l’on fait courir la voix qu’il est perdu.

Un nommé Guillaume de la Cauchie, Boulenois, porta l’estendart du seigneur de Ravestain. En ceste besogne, il se fit d’aucuns nouveaux chevaliers, comme Marc de Montmorency, sire de Molimont, fils aisné du sire de Croisillier, Hue de Montmorency, sire de Boves, son frère germain, Jehan d’Aymeries, aisné, fils du sire d'Aymeries, seigneur de Lens en Haynaut, Jehan seigneur de la Deuse, M. Bernart d’Espot, M. Guillaume Bise , sire de . .…. M. Auscan, seigneur de Bossu en Liege, Quentin seigneur de Bercus.

Ce jour-là, que la bataille se donna, M, de Bresès, seigneur de la Varennes, dit au roy, comme j’ay ouy conter à ceux qui le pensoient bien sçavoir : « Sire, vous el vos gens viennent de loin el sont du chemin travaillez, parquoy vaudroit mieux differer de combattre jusques lendemain. » Sur quoy luy respondit le roy : « Dea, seneschal (car il estoit seneschal de Normandie),vous le dites pour tant que vous estes des leurs! » Alors, il dut repliquer : « Sire, il est vray que ilz ont mon scel par-delà, mais aujourdhuyvous aurez el le cœur et le corps, car je vivray ou mourray pour vous. » Et il dit la vérité, car il alla si avant, qu’il fut tué de coups de mains avec plusieurs autres.

Si fut prins, par la main de M. Louis Gast, le seigneur de la Grange, fils du conte de Montpensier; et, du costé du conte de Charolois, mourut M. Philippe

de Lalain, fils du seigneur de Lalain, et le seigneur de Hames emprès Calais, Arnout de Berlaymont et Colin de Fouquerolles furent mors ou perdus, car oncques puys n’ont esté veus. Philippe d'Ognies, seigneur de Quesnoy, fut tué, tenant le pennon du conte son seigneur en la main; t{em y fut mort M. Jean de Croy, le Begue d’Alentun, Boulenois; M. Daveau de Bouchant, Brabançon; Godefroy de Doustienne, et d’aucuns autres. Et furent prisonniers, le sire de Crevecueur, le sire de Miraumont, le sire d’Aymeries , lesire de Haplaincourt, Jehan de Ligne, Philippe de Berghes, Olivier de Hunes, Gérard de Boves, Lionnel de Sars.

Or, pour retourner à nostre matiere, le conte de Charolois, se ayant remis en bataille devant les François en assez petite compaignie et qu’il vit que plusiears de ses gens tiroient le dos arriere, dont il estoit merveilleusement desplaisant, fit tenir ordonnance par les autres princes; voulant luy mesme soy esloigner, craignant que ses gens ne partiroient quant et quant luy, pour la frayeur en laquelle ilz estoient encore, et allant aval le camp, disoit à ceux qu'il trouvoit qui se tiroient au large : « Mes enfans et mes amis, relournez avec moy et ne me laissez à celte heure? » et par belle douceur, en fit plusieurs retourner.

Après ceste recueillotte, l’on commencoit arriere à jouer des serpentines et fut tué un des enfans de Hallevin, que l’on appeloit le viconte ..…. et pareillement Collette de Coy, et Jehan de Pourlan, Bourguignon , qui portoit l’estendart du sire d’Aymeries. Lors, le conte de Charolois fit mettre des charriots

devant ses gens, afin que les François ne peussent si legerement les assaillir, mais 1lz n’avoient aucune volonté, parcequ’ilz estoient aussy estonnez que les Charolois, comme depuys l’on a entendu; et pour certain, si quarante ou cinquante lances d’un costé ou d’autre eussent commencé envahir son adversaire, il eust remporté la victoire à ce jour. Rossequen, premier escuyer du conte de Charolois, eut une grande escharpe au visage; Guilbert de Fevremonde eut sa salade faussée d’un coup de serpentine et emportée au loin hors de sa teste, dont il cheut par terre, mais enfin il fut guery; M. de Moy, de Vermandois, fut blessé; M. Antoyne d'Aiïlly, sire de Varennes, M. Davis de Poix, sire de la Verriere, et d’aucuns autres furent prisonniers ; et demeura la chose en cest estat jusques après le soleil couché, que adonc le roy se departit et s’en alla à-tout bien peu de gens, et tous les siens en après, chascun qui mieux mieux, l’un çà l’autre là, où ilz pouvoicnt, dont le conte de Charolois ne s’en apercçut jusques lendemain vers le midy.

Mais le roy fut si hasté en son partement qu'il laissa derriere et abandonna toute son artillerie, que lendemain le conte de Charolois treuva affustée au mesme lieu où elle avoit esté le jour precedent. Il est certain que le conte de Charolois eut l'honneur de la victoire de celle journée, mais les François y acquirent plus, ayant pillé la pluspart du bagage et amené plusieurs prisonniers qu'ilz ont treuvez à l’entour dudit bagage. Le sieur de Ravestain et le conte de Marle y perdirent toute leur vaisselle; le sire de Fiennes y laissa deux charriots chargez de bagues, et

ne sauva rien sinon ce qu'il avoit sur son corps, avec une boete à huit cents mailles de Rhin qu’un de ses gens eut devant luy. Entre les prisonniers, outre les susdits, fut le sire d’Inchy et Sauset d'Ame qui estoit en la compaignie du conte de Marle.

Lendemain au matin, comme dit est, le conte de Charolois envoya tout à l’entour de son ost, long et large, voir ce qui s’y passoit, mais ne treuverent ame qui leur voulust nuyre, et lors entendirent que le roy estoit allé logier à Corbeil, auquel lieu il fut le lendemain à dix heures avant midy. Ce entendu, s’en alla le conte avec tous sesgens disner à Monlhery, et croyez que plusieurs d’eux n’attendoient pas la moutarde et qui avoient des chevaux beaucoup, qui en trente-six heures ne furent pas desbridez. Audit Monilhery furent enterrez M. Philippe de Lalain, Janet de Quesnoy, frere de Mathieu de Quesnoy et M. de Hames emprès Calais, et ce fut le dix-huitiesme dejuillet. Au service dudit Philippe de Lalain, furent assistans M. Antoine de Lalain son frere et le seigneur de Crequy leur oncle; et à l’après-disner, le conte se deslogea et alla au giste à Cattes. »

Ouvrages historiques du Bibliophile Jacob :

HISTOIRE DU SEIZIÈME SIÈCLE EN FRANCE, d’après les originaux , manuscrits et imprimés. Paris, Mame, 1834-1835. 4 vol. in-8.

Ces quatre volumes, qui ne comprennent que douze années environ du règne de Louis XII, ont été détruits par l'incendie de la rue du Pot-de-Fer, lorsque le cinquième était sous presse.

L'HOMME AU MASQUE DE FER. Paris, Magen, 1837. In-8. |

CHRONIQUES DE JEAN D’AUTON, publiées pour la première fois en entier, d’après les manuscrits de la Bibliothèque du Roi , avec une notice et des notes. Paris, Sylvestre, 1834-35. 4 vol. in-8.

Cet ouvrage, tiré à 300 exemplaires sur papier collé, forme le complément indispensable de la collection des Mémoires relatifs à l’histoire de France, publiée par Petitot et Monmerqué.

HISTOIRE DE Soissons, depuis les temps les plus reculés jusqu’à nos jours; d’après les sources originales (en société avec M. Henry Martin). Soissons et Paris, Techener. 2? vol. in-8 , cartes et plans.

Cette Histoire a obtenu le prix fondé par Mme Maréchal, de Soissons.

Sous presse :

VIlIle DISSERTATION.—SUR LES RÉFORMES A OPÉ- RER DANS LE RÉGIME DES BIBLIOTHÈQUES PUBLIQUES.

IX° DISSERTATION. — SUR CERTAINES LACUNES DANS LES ARCHIVES DU ROYAUME.

. 4 ) LS s ” À sh. Con ee à - #42 -… sh: n Fr < RES es . s . im an D ce ‘ = É . ‘ AR OR LEE » ” : d : nm 5 : A .

. : « > à ‘ à ; e # 5 ï ‘ PR - 2 à = v + ee , L » PES » 4 LT s un < ; ‘ .

# ë . La :

; LÉ | L ‘ . > . : . | | Lu |

: % 4 È è ; ? au ° , . LU . : Ê : , — 3 es PE Se CE .

À 3 . ; * e — € s se s e : — : : a L , ù + . È “ à . ; Le ‘ Te « . N . , ru ; Le + L ?

; < À « C4 - ‘s n .» , a su ” à ë * es d

: = LS = x ge “ pi

LED à 2 . Lé Ld bar ..

, + ° ee | Li ?# à . 4 2 Ê .

« w L : .. x 6 ” e 7% R k L ] . ’ < . , . L1 ke # à > . Qu ut LÉ C , i EN U * 4 x | ù :

| | . . + e s (2 - °% # , . + % 9 “ , . : : & F LS . i es : “ , és . : se =” , t S A res Le : | a ù ; C2 Le * « 2 * . *.. e | CE . … 2 : . : ‘ e . e Te * ve e LAN + . nee . , :