D'UN CHASSEUR

JAN, des forestz habitant l'épesseur, Pan, pié de bouc, Robinet ton chasseur Accoustumé jadis de faire teste A la fureur de mainte fîere beste, Et par lequel à cestuy pin sacré Tu vois encor, s'ilz te viennent à gré, Les piedz des ours, et les hures fendues Des vieux sangliers, pour offrande pendues : Ores vieillard, et d'âge tout voulté De ce grand cerf, que luy mesmes a domté, Le bois encor' il te sacre et ordonne, Digne présent d'une vieille personne, Bien que tel œuvre ait jadis eu l'honneur D'estre avoué par le Thebain veneur.

Reçoy le donq pour œuvre de jeunesse, Et ne le croy de moindre hardiesse.