SUR LES PERFECTIONS DE SA DAME

UAND je contemple les heautez De tant de rares nouveautez, Qui en ta Nymphe nompareille Des cieux annoncent la merveille,

Il me semble voir les couleurs De tant et tant de belles fleurs, Que la jeune saison desserre Du sein amoureux de la terre.

Icy le lis est blanchissant, Là est la rose rougissant, Et là est la plaine parée De mainte aultre fleur bigarée.

Et comme on void la teste bas, La vierge marchant pas à pas, Despouiller la rive fleurie Du verd email de la prairie

Dont ayant son giron remply.

Elle d'un tortueux reply Façonne une belle couronne, Dont son beau chef elle environne :

Jeux rustiques.

14e DIVERS JEUX RUSTIQUES

Ainsi ta Muse çà et là, Soingneuse cueillant tout cela Qui fleurit en l'esprit de celle Dont tu sens la vive estincelle,

Ayant choisi tout le plus beau, Façonne le tour d'un chappeau.

Dont une couronne elle appreste, Eternel honneur de ta teste.

Là donques, Magni, ce pendant Que l'Amour va tes yeux bendant, Chante d'Amour, et d^ la dame, Qui est maistresse de ton ame.

En vain tu tenteras les sons De ces amoureuses chansons, N'estant plus ta lyre allumée De son ardeur accoustumée.

Ainsi quand la prophète horreur Epoinçonne de sa fureur Le cueur despit de la prestresse Grondant sous le Dieu qui la presse,

Elle, contraincte de chanter, Ne cesse de se tormenter.

Et d'un mugler cspouvantable Mesle l'obscur au véritable.

Mais quand le Dieu s'en est allé, Soudain son courage affolé

Devient rassis, et la prophète Clost soudain la bouche muette.

Croy moy, Magni, et je le sçay Pource que j'en ay faict l'essay, Mal voluntiers chante la bouche De Tamour qui au cueur ne touche.

Du temps que jestois amoureux, Rien que les souspirs langoureux Ne me plaisoit, et rien ma lyre Rien que l'Amour ne sçavoit dire.

Pour tout je trouvois argument De me feindre un nouveau torment, Et ne trouvois roc ny fonteine, Qui ne representast ma peine.

Il me sembloit qu'antres et bois Piteux respondoient à ma voix, Et me sembloit que mes prières

Arrestoient le cours des rivières.

Il me sembloit que tout l'honneur, Le beau, la grâce, et le bon heur, Fust coulé du ciel en la belle Qui m'estoit doucement rebelle.

Toutes les roses et les lis, Les œillets freschement cueillis, Toutes les perles, et encore Tout ce qui luit dessous l'aurore

Tout l'ivoyre, tout le crystal, Et tout le plus riche métal, Tout le marbre, tout le porphyre, Et si rien plus beau se peult dire :

Tout le ciel n'eust assez esté Pour bien descrire sa beauté, Et n'estoit à ma peine égale Celle d'un Sisyphe ou Tantale.

Bref fust de nuict ou fust de jour.

Je ne songeois rien que lAmour, Et n'avois gravé dedans l'ame Autre portraict que de ma Dame.

Ainsi le malade altéré. Qui d'un désir démesuré Demande l'eau, quand plus la fièvre A peingt la soif dessus la lèvre :

Il ne se peingt dans le cerveau Autre figure que de l'eau.

Et le feu qui brusle ses veines, Ne le faict songer qu'en fonteines.

Et rien je ne songeois aussi Que l'object de mon doulx soucy, Lors que mon ame langoureuse Brusloit en sa fièvre amoureuse.

Mais depuis que l'âge, et le soing, Me faisant regarder plus loing,

M'osta ce voyle, et que les choses Véritables se sont decloses,

J'ai rougy de me voir deceu, Et depuis ma lyre n'a sceu Chanter l'Amour, et rien ma Muse Rien tant que l'Amour ne refuse.

Si est-ce pourtant que je puis Me vanter qu'en France je suis Des premiers qui ont ozé dire Leurs amours sur la Thusque lyre.

Et mon Olive (soit ce nom D'Olive véritable, ou non) Se pcult vanter d'avoir première Salué la douce lumière.

Depuis, d'autres meilleurs esprits, Quittant plus hault œuvre entrepris, Ont (mais avecques plus de grâce) Couru par ceste mesme trace.

Entre lesquelz tes vers n'ont pas Des derniers avancé leurs pas. Vers bien dignes que Ion leur donne Un jour la plus belle couronne :

Pour avoir le premier de tous Chanté l'Amour d'un style doulx, Le traitant non en rude maistre.

Mais ainsi qu'un enfant doit estre ;

Non comme ceulx, dont la grandeur Esprise de plus haulte ardeur, Ne peult trouver sinon à peine Les accords d'une doulce veine.

Aussi chacun n'a pas les doigts, L'archet, la lyre, ny la voix.

Pour chanter l'Amour, et l'audace Ne convient à la chose basse.

Quand Hercule amoureux filoit, En filant souvent il souloit Rompre les fuseaux, et sa dextre A la masse estoit plus adextre.

Et cestuy-là, dont la fureur N'est que pour la fouldre et l'horreur. S'il fault que l'Amour il accorde Bien souvent rompt plus d'une chorde.

Il est malaisé de changer Son naïf en un estranger, Et Achille entre les pucelles Convenoit mal avecques elles.

Or donc, Magni, puis que le ciel A confict d'un Attique miel Tes vers sucrez, laisse les armes, Et chante l'amour et tes larmes :

Estant certain, quoy que tu sois.

Qu'entre les poètes François

Tu tiendras le lieu d'un Catulle, D'un second Properce, ou Tibulle.

Mais moy, que veulx-je plus chanter Pour nostre France contenter, Si de tant d'amours qu'on souspire La France ne faict plus que rire ?

Et à bon droit, puis qu'en avant Autant l'indocte que sçavant Met son ouvrage, et que la France Favorise encor' l'ignorance.

Nostre François qui bassement Se traynoit au commencement, Soubs Henry, d'une audace honneste, Oza premier lever la teste.

Mais depuis les premiers Auteurs, Un tas de sots imitateurs, Enflans leurs vaines poésies De monstrueuses fantasies,

Ont tout gasté : et ceux qui ont Le mieulx escrit, pource qu'ilz sont Pressez de la tourbe ignorante.

Leur gloire n'est point apparente.

Donques, Magni, te tairas-tu ?

Non, tu chanteras la vertu De ton grand Avanson, qui use De plus grand' doulceur à ta Muse,

Mariant au grave soucy La Muse et la Musique aussi, Comme un Mécène, dont la gloire Doit à Virgile sa mémoire.

Le ciel, ains que tu fusses né T'avoit poëte destiné. Et t'avoit destiné pour plaire Au sçavant et au populaire :

Rare présent, et qu'icy bas Le ciel à tous ne donne pas.

Bien heureux celuy qui assemble L'utile et le doux tout ensemble.

Là donc, et d'un plus heureux son Chante l'heur de ton Avanson Qui d'une trompeuse asseurance N'abusera ton espérance,

Defraudant ta simplicité Du loyer qu'elle a mérité.

Et se fraudant de la louange Que tu luy dois en contrechange.

Et que peult un homme de nom Mieulx acheter qu'un beau renom ?

L'honneur est le présent plus rare, Et tu n'es de grands biens avare.

Mais pourquoy fais-je un si long tour, Ne voulant parler que d'Amour ?

Tay toy donc, ma lyre, ou accorde Ton premier chant dessus ta chorde.

Et toy, Magni, puis que ton cueur Sent encor' l'Archerot vainqueur, Chante d'Amour, et de la belle, Pendant que tu la trouves telle.

Tout ce que nous cachent les cieulx, Tout ce que nous cèlent les Dieux, Et tous les secrets que la terre Dedans ses abysmes enserre,

Tout cela que l'œil apperçoit.

Tout cela que l'esprit conçoit.

Est du poëte, et l'escritture N'est qu'une parlante peinture.

Or si l'Amour premièrement Courba sur nous le firmament, Ballançant et la terre et l'onde D'une forme également ronde :

S'il est, comme chantent noz vers, L'esprit moteur de l'Univers, Et si les semences des choses Sont en luy divinement closes :

Amour, auquel tout est subject,

Du poëte est le seul object,

Et à bon droit celuy se vante

De tout chanter, qui l'Amour chante.

Donques, Magni, pour te vanter Que tes vers sçavent tout chanter, Chante l'Amour, et autre chose Pour argument ne te propose.

Couronne tes affections De la fleur des perfections, Dont le ciel ta maistresse honore Comme une seconde Pandore.

Mais, las, mon Magni, garde toy, Si en quelque légère foy Tu as ton amour arrestée, D'estre un second Epimethée.

CONTRE LES PETRARQUISTES (i)

;'ay oublié l'art de Petrarquizer,

Je veulx d'Amour franchement deviser, Sans vous flatter, et sans me deguizer : Ceulx qui font tant de plaintes, N'ont pas le quart d'une vraye amitié.

Et n'ont pas tant de peine la moitié, Comme leurs yeux, pour vous faire pitié, Jettent de larmes feintes.

(i) On trouvera une version qnelqne peu différente de cette pièce dans le Recueil de Poésie de : j;}<

DIVERS JEDX RUSTIQUES I55

Ce n'est que feu de leurs froides chaleurs, Ce n'est qu'horreur de leurs feintes douleurs, Ce n'est encor' de leurs souspirs et pleurs

Que vents, pluye et orages :

Et bref, ce n'est à ouir leurs chansons. De leurs amours, que flammes et glaçons, Flesches, liens, et mille autres façons

De semblables oultrages.

De voz beautez, ce n'est que tout fin or, Perles, crystal, marbre, et ivoyre encor. Et tout l'honneur de l'Indique thresor,

Fleurs, lis, œillets, et roses :

De voz doulceurs ce n'est que sucre et miel, De voz rigueurs n'est qu'aloës et fiel, De voz esprits, c'est tout ce que le ciel

Tient de grâces encloses.

Puis tout soudain ilz vous font mille tors, Disant, que voir voz blonds cheveux retors, Voz yeux archers, autheurs de mille morts.

Et la forme excellente De ce que peult l'accoustrement couver, Diane en l'onde il vaudroit mieux trouver, Ou voir Meduze, ou au cours s'esprouver

Avecques Atalante.

S'il fault parler de vostre jour natal, Vostre ascendant heureusement fatal De vostre chef écarta tout le mal, Qui aux humains peult nuire.

Quant au trépas, sça' vous quand ce sera Que vostre esprit le monde laissera ?

Ce sera lors, que là-hault on voyra Un nouvel Astre luire.

Si pour sembler autre que je ne suis.

Je me plaisois à masquer mes ennuis, J'irois au fond des éternelles nuictz

Plein d'horreur inhumaine :

Là d'un Sisyphe, et là d'un Ixion J'esprouverois toute l'affliction, Et l'estomac, qui pour punition,

Vit, et meurt à sa peine.

De voz beautez, sça' vous que j'en dirois ? De voz deux yeux deux astres je ferois, Voz blonds cheveux en or je changerois,

Et voz mains en ivoyre :

Quant est du teinct, je le peindrois trop mieux Que le matin ne colore les cieux :

Bref, vous seriez belle comme les Dieux,

Si vous me vouliez croire.

Mais cest Enfer de vaines passions, Ce Paradis de belles fictions, Deguizemens de noz affections,

Ce sont peinctures vaines :

Qui donnent plus de plaisir aux lisans, Que voz beautez à tous voz courtisans, Et qu'au plus fol de tous ces bien-disans

Vous ne donnez de peines.

Voz beautez donq' leur servent d'argumens, Et ne leur fault de meilleurs instrumens, Pour les tirer tous vifz des monumens :

Aussi, comme je pense.

Sans qu'autrement vous les recompensez De tant d'ennuis mieux escrits que pensez. Amour les a de peine dispensez,

Et vous de recompense.

Si je n'ay peingt les miens dessus le front, Et les assaults que voz beautez me font, Si sont-ils bien gravez au plus profond

De ma volunté franche :

Non comme un tas de vains admirateurs, Qui font ainsi par leurs souspirs menteurs. Et par leurs vers honteusement flateurs

Rougir la carte blanche.

Il n'y a roc, qui n'entende leur voix, Leurs piteux cris ont faict cent mille fois Pleurer les monts, les plaines, et les bois,

Les antres, et fonteines :

Bref, il n'y a ny solitaires lieux, Ny lieux hantez, voyre mesmes les cieux, Qui çà et là ne montrent à leurs yeux

L'image de leurs peines.

Cestuy-là porte en son cœur fluctueux De rOcean les flots tumultueux, Cestuy l'horreur des vents impétueux Sortans de leur caverne :

L'un d'un Caucase, et Montgibel se plaingt, L'autre en veillant plus de songes se peingt, Qu'il n'en fut onq' en cest orme, qu'on feinct En la fosse d'Averne.

Qui contrefaict ce Tantale mourant Bruslé de soif au milieu d'un torrent : Qui repaissant un aigle dévorant,

S'accoustre en Promethée :

Et qui encor' par un plus chaste vœu.

En se bruslant, veult Hercule estre veu, Mais qui se mue en eau, air, terre, et feu.

Comme un second Protée.

L'un meurt de froid, et l'autre meurt de chault. L'un vole bas, et l'autre vole hault, L'un est chetif, l'autre a ce qui luy fault.

L'un sur l'esprit se fonde, L'autre s'arreste à la beauté du corps : On ne vid onq' si horribles discords En ce chaos, qui troubloit les accords

Dont fut basty le m.onde.

Quelque autre après, ayant subtilement Trouvé l'accord de chacun élément.

Façonne un rond tendant également

Au centre de son ame :

Son firmament est peinct sur un beau front, Tous ses désirs sont balancez en rond, Son pôle Artiq', et Antarticq', ce sont

Les beaux yeux de sa Dame.

DIVERS JEUX RUSTiaUES I$9

Cestuy, voulant plus simplement aymer, Veult un Properce, et Ovide exprimer, Et voudroit bien encor" se transformer

En l'esprit d'un Tibulle :

Mais cestuy-là, comme un Pétrarque ardent, Va son amour et son style fardant, Cest autre après va le sien mignardant,

Comme un second Catulle.

Quelque autre encor' la terre dédaignant Va du tiers ciel les secrets enseignant, Et de l'Amour, où il se va baignant,

Tire une quinte essence :

Mais quant à moy, qui plus terrestre suis. Et n'ayme rien, que ce qu'aymer je puis. Le plus subtil qu'en amour je poursuis

S'appelle jouissance.

Je ne veulx point sçavoir, si l'amitié Prit du facteur, qui jadis eut pitié Du pauvre Tout fendu par la moitié,

Sa céleste origine :

Vous souhaitter autant de bien qu'à moy, Vous estimer autant comme je doy, Avoir de vous le loier de ma foy.

Voilà mon Androgyne.

Nos bons Ayeulx, qui cest art demenoient. Pour en parler, Pétrarque n'apprenoient, Ains franchement leur Dame entretenoient Sans fard, ou couverture

léO DIVERS JEUX RUSTIQ.UES

Mais aussi tost qu'Amour s'est faict sçavant, Luy, qui estoit François au paravant, Est devenu flatteur, et décevant, Et de Thusque nature.

Si vous trouvez quelque importunité En mon amour, qui vostre humanité Préfère trop à la divinité

De vos grâces cachées, Changez ce corps, object de mon ennuy : Alors je croy, que de moy, ny d'autruy, Quelque beauté que l'esprit ait en luy.

Vous ne serez cherchées.

Et qu'ainsi soit, quand les hyvers nuysans Auront seiche la fleur de voz beaux ans, Ridé ce marbre, esteinct ces feuz luisans,

Quand vous voirez encore Ces cheveux d'or en argent se changer, De ce beau sein l'ivoyre s'allonger, Ces lis fanir, et de vous s'estranger

Ce beau teinct de l'Aurore,

Qui pensez-vous, qui vous aille chercher, Qui vous adore, ou qui daigne toucher Ce corps divin, que vous tenez tant cher ?

"Vostre beauté passée Ressemblera un jardin à noz yeux Riand naguère aux hommes et aux Dieux, Ores faschant de son regard les cieux.

Et l'humaine pensée.

DIVERS JEUX RUSTIQUES lél

N'attendez donq' que la grand' faux du Temps Moissonne ainsi la fleur de voz printemps, Qui rend les Dieux, et les hommes contents :

Les ans, qui peu séjournent, Ne laissent rien, que regrets et souspirs, Et empennez de nos meilleurs désirs, Avecques eux emportent noz plaisirs,

Qui jamais ne retournent.

Je ry souvent, voiant pleurer ces fouis.

Qui mille fois voudroient mourir pour vous,

Si vous croyez de leur parler si doulx

Le parjure artifice :

Mais quant à moy, sans feindre ny pleurer, Touchant ce poinct, je vous puis asseurer, Que je veulx sain et dispos demeurer,

Pour vous faire service.

De vos beautez je diray seulement, Que si mon œil ne juge folement, Vostre beauté est joincte également

A vostre bonne grâce :

De mon amour, que mon affection Est arrivée à la perfection De ce qu'on peult avoir de passion

Pour une belle face.

Si toutefois Pétrarque vous plaist mieux. Je reprendray mon chant mélodieux.

Et voleray jusqu'au séjour des Dieux D'une aile mieux guidée:

lél DIVERS JEUX RUSTIQUES

Là dans le sein de leurs divinitez Je choisiray cent mille nouveautez, Dont je peindray voz plus grandes beautez Sur la plus belle Idée.