CHANSON

ji vous regardez, ma Dame, Sans plus à vostre grandeur, Vous dédaignerez l'ardeur, Dont vostre beauté m'enflamme :

Veu que digne je ne suis Du grand bien que je poursuis.

DIVERS JEUX RUSTIQ.UES l6j

Vous direz (et je confesse Que vous direz vérité) Que ma basse qualité N'égale vostre hautesse, Et que mon affection N'est qu'une presumption

Mais si vous jugez la force Dont procède mon ennuy, Et combien est fol celuy Qui contre l'Amour s'efforce, Vous direz mon amitié Estre digne de pitié.

Le devoir de révérence Se doit garder en tout lieu, Mais tousjours ce petit Dieu Ne faict telle différence :

Il est aveugle, et n'a point D'esgard à ceulx-là qu'il poingt.

Que la vérité soit telle.

Je n'allegueray les Dieux, Qui sont descendus des cieux Pour une beauté mortelle :

Je ne veulx pour m'excuser A ces fables m'amuser.

Du beau pasteur de Latmie L'exemple me suffiroit, Qui en dormant attiroit

l68 DIVERS JEUX RUSTiaUES

Du ciel la Lune s'amye :

Mais je ne demande pas Que vous descendez si bas.

Si grande n'est mon audace

D'ozer si hault aspirer,

Ne de vouloir espérer

Plus que vostre bonne grâce :

Mon cueur ne voudroit penser

Rien qui vous peust offenser.

Le loyer de mon service, Si rien je puis desservir, C'est que seulement servir De vostre gré je vous puisse :

Et que m'ottroyez ce bien, Puis qu'il ne vous couste rien.

Allegant pour ma défense, Que les royales hauteurs Tousjours des bas serviteurs N'ont eu l'amour pour offense :

Et qu'Amour, et majesté.

Souvent ensemble ont esté.

Si la loy d'Amour est telle Qu'on ne doive s'abbaisser, Vostre grandeur doit laisser Toute chose au dessoubs d'elle, Pour ce que rien entre nous Ne sera digne de vous.

Mais si vous suyvez l'exemple Des Dieux, qui n'ont à dédain, Que d'un rustique la main Des vœus présente à leur temple, Comme eulx vous prendrez à gré Mon cueur à vous consacré.

J'entens si vostre excellence Digne de l'amour d'un Roy, Vostre grandeur, et ma foy Met en égale ballence, Puis qu'en cela j'ay tant d'heur D'égaler vostre grandeur;

Si un Prince vous honore,

Ce n'est grande nouveauté :

Il prend bien la privante

De plus désirer encore :

Et croid que tout ce qu'il veult,

Refuser on ne lui peult.

Mais celuy, qui hors d'attente De sa requeste obtenir, Sans espoir de parvenir De sa peine se contente, On peult dire seurement Qu'il ayme fidèlement.

Suspecte est l'Amour des princes, Et de ces amours de court Souvent le bruit, qui en court,

170 DIVERS JEUX RDSTiaUES

Faict la fable des provinces :

Qui ayme plus grand que soy, Luy mesme se donne loy.

De moy vous ne devez croire.

Que de ma félicité Par quelque légèreté Jamais je me donne gloire :

Je sçay la punition Du malheureux Ixion.

Je sçay la peine d'Anchise :

Et sçay, mais je ne veulx point Discourir quant à ce poinct De garder la foy promise :

Je ne veulx rien obtenir Qu'on doive secret tenir.

Au fort, Dame, s'il vous semble Qu'on ne me doive excuser, Veuillez plus tost accuser Et vous, et l'Amour ensemble :

Et Dieu qui de vous a fait Un chef d'œuvre trop parfaict.

Cela vous doit estre preuve De vostre perfection, Puis que toute affection De vous esclave se treuve :

Ne vous faictes estimer, Ou bien vous laissez aymer.

Si mon cueur a faict offense De s'estre à vous attaché, Amour a faict le péché, Et j'en fais la pénitence :

Un péché, selon les loix, Ne se doit punir deux fois.

Vous me pouvez bien, ma Dame, Commander de ne vous voir, Mais non de ne vous avoir Tousjours engravée en l'ame :

Puis qu'Amour avec son traict Luy-mesme en feit le portraict.

Il fault donc qu'il y demeure :

Aussi ay-je ferme foy De l'emporter avec moy, Quand il fauldra que je meure :

Me vantant le plus heureux De tous loyaulx Amoureux.