ELEGIE AMOUREUSE

Si vostre esprit, qui de son origine Tesmoigne asse:{ la nature divine Par les discours quefaict divinement Vostre céleste et parfaict jugement, Ne cognoissoit combien sont nof pensées De passions diverses offensées.

Et par sur tout de ceste affection Qui vient d'aymer une perfection, Je m*estendrois par plus longue escriture Sur le pouvoir, sur la cause et nature.

Sur les effects, et la diverse fin De cest amour tant humain, que divin.

Mais cognoissant combien sont telles choses Divinement en vostre esprit encloses, Je laisseray cest argument choisir Aux plus sçavans, et aux plus de loisir:

Me contentant seulement de vous dire Ce que je puis de mon amour escrire Naïvement, sans art et fiction, Comme sans art est mon affection,

Cognoissant donc combien est indomtable De cest amour la force inévitable, Mesmes trouvant un si digne subject Comme celuy, qui m*a servy d'object.

ii8 JEUX

Vous jugere^ mon amour estre telle, Veu que l'amour vient de la chose belle.

Si ce n'eetoit que je crains d'offenser En vous louant, le modeste penser Qui ne vous laisse ouïr vostre mérite, Et vous faict plus que vous mesmes petite, Je ne dirois vostre race et grandeur.

Puis que le ciel vous a donné tant dheur Plus que cela, mais bien la bonne grâce Qu'on void reluire en vostre belle face, Vostre doulceur, vostre humble privauté, Et vostre esprit plus beau que la beauté :

Perfections d'un chacun estimées, Mais plus de moy que de tout autre aymées.

Par un instinct naturel^ qui me faict Cognoistre en vous de vous le plus parfaict.

Et s* il vous semble en cela que je face A ucune erreur, je vous supply de grâce Considérer, que seul je ne suis pas Que telle erreur a pris en ses appas :

S'ilfault qu'erreur une chose on appelle Qui de soy mesme est toute bonne et belle, Par qui tout est, sans qui rien ne seroit.

Et sans laquelle icy ne se feroit Rien de vertu, ne digne de mémoire.

Et que doit-on plus priser que la gloire?

Je ne prétens pour cela toutefois (Bien que d'amour les équitables loix

Veuillent qu'amour par amour on compense) Vous obliger vers moy de récompense.

Ce que de vous je désire et prétens, Pour l'amitié, pour la longueur du temps Que j'ay tasché de vous faire service, C'est seulement, Madame, que je puisse (Si autre bien je ne puis desservir) De vostre gré vous aymer et servir.

Vous pouve^ bien. Madame, et ma Déesse, Vous pouvez bien commander que je cesse De vous hanter, de vous parler, et voir.

Mais vous n'ave^, et je n'ay le pouvoir De commander à mes désirs, en sorte Que mon amour ne soit tousjours plus forte.

Si vous pouve^ vof grâces vous oster.

De vous aymer vous pouve:{ m'exempter :

Mais si du ciel le vouloir immuable Pour vo^ vertus vous afaict tant aymable, - Qu'elle raison av'ous, quant à ce point, De commander qu'on ne vous ayme point ?

Permette^ donc, je vous supply. Madame, Permette:^ moy que vostre je me clame, Que ie vous ayme, et porte dans mon cœur :

Ou s'il vousplaist, pour m'user de rigueur, Me commander que tel je ne demeure.

Commande^ moy ensemble que je meure.