DE PAR MADAME RÉGENTE EU FRANCE, AUX lÈLUS DE LIMOUZIN

Saint'Just'SW'Lyon , lo novembre ib^^.

Très chiers et bien amez^ nous avons par cy-devant permis à nostre très chier et très amé cousin, le prince de Navarre, de pouoir faire assembler les subgectz de nostre très chier et très amé cousin le roy de Navarre son frère , en ses conté de Périgort et vicomte de Lymoges, et autres terres et seigneuries de la maison d'Albret, pour leur demander ayde et subvencion pour payer sa rançon, vous mandant que les sommes qui auroient esté octroyées pour ce que dessus eussiez à asseoir, cottizer et imposer sur lesdictz subgectz, le fort pourtant le foible, le plus esgallement et justement que faire se pourrôit, et icelles faisant cueillir et lever avec les deniers des tailles du roy nostre très cher seigneur et filz, par iceulx qui à ce seroient ordonnez et depputez par nostre dit cousin le prince de Navarre, et contraindre ou faire contraindre réaument et de faict lesditz subgectz, à ce que auroient esté cottizez et imposez, à payer leur cotte, bailler et délivrer ausdits commis, et ce pour prinse et vente de chacuns leurs biens, comme pour les propres deniers et affaires du roy uostredit seigneur et filz, et autres voyes et manières deues, raisonnables et en tel cas requises. En ensuyvant laquelle permission, aucuns desdits subgectz de vostre élection ont faict aucune donation à nostredit cousin le roy de Navarre pour sàdite rançon, laquelle ayez récusé, se cottiser et pourveoir les serviteurs et depputez de nostredit cousin le prince de Navarre, des provisions nécessaires pour lever ladite donation, ce que pourrôit porter dommaige à icelluy nostre cousin le roy

TEXTE DES DOCUMENTS. 4o5

de Navarre y et esire retardement de sa délivrance , dont nous en serions desplaisante. A ceste cause, vous mandons et expressément enjoi* gnons que, sans aucune difficulté, vous emploiez oudit affaire et pourvoyez lesdits serviteurs et deppulez de nostredit cousin le prince de Navarre, desdites provisions qui leur seront nécessaires pour lever ladite donation le plus diligemment que vous sera possible, et tout ainsi que si c'estoit pour le roy nostredit seigneur et Bis. Et n'y faites faulte, sur tant que creignez désobéyr au roy nostredit seigneur et fils, et que n'ayons occasion cy-après vous en escripre autres lectres, car tel est nostre plaisir. Donné à Saint-Just-sur-Lyon , le x« jour de novembre.

LOTSE. ROBERTET.

Suscription. A nos très cfaers et bien amez les esleuz pour le roy nostre très cher seigneur et fils au haut pays de Limousin.