XVII. Item a faict es moulins de Chiron, — alibi post

XVIII. Item a este repare a l'auditoire, près le chasteau, tant de murs, de huisseries, de pierre de taille, fenestres, soliveaux, chevrons, tieulle, latte, planchers, et refaict les greniers et murs a l'entour, a bien peu coster la somme de C livres.

XIX. Item a este repare la haie d'Argenton a plusieurs fois, tant en couverture, latte, chaulx, tieulle et autres choses, pour la somme de cent livres.

XX. Item a este faict et repare tant au Pont Neuf que au pont Cadorat, pour la somme de XXX livres.

XXI. Item en réparation du pont de Votegon, la somme de L livres.

XXII. Les moulins de Chiron. — Les réparations des moulins de Chiron faictes seulement depuis le temps que Blays Gruget a este demeurant aud. moulin. Premièrement a este faict ung moulin neuf au dessoubs des deux aultres, de pierre de taille et une maison faicte dessus, et pour la petite maison ou est led. moulin, en laquelle maison haulte a une chemynee et une demye croisée, le tout de pierre de taille, au bout de laquelle maison du moulin y a une aultre petite maison a planche, et une estable près lesd. moulins, couverte de tieulle plate, et un four au devant de lad. maison par devers Testang des moulins, toutes lesquelles réparations, tant en matière que dépens, peuvent avoir coste de son temps seulement la somme de C livres.

XXIIL Les moulins du Pont Neuf — Item, pour les deux moulins du Pont Neuf, lesquels sont a draps, pour avoir faict les chemyns de pierre de taille, et la longiere devers les roues desd. moulins^ et ung apentilz pour couvrir lesd. roues et piles desd. moulins, en toutes les réparations de son temps, montent cinquante livres et plus.

Item, pour avoir repare la chaussée du Pont Neuf, tant pour la chaulx que pour les ouvriers, XXX livres.

XXIV. Réparations de Vauzeiies. — Item a faict le grand corps de maison de Vauzeiies avecques le pressouer et un mectz de pierres de taille bien belles et une belle fuye, ont bien coste la somme de VI «^ livres.

XXV. Réparations des mestayries. — Premièrement, en la mestayrie du Portau a este faict depuis le temps de XLII ans ou environ les réparations qui s'ensuyvent (sic).

XXVI. En la mestayrie du Brueil Frectier a este faict et repare depuis led. temps cest a sçavoir en maison, granche, bergerie, tectz pour les bestes et aultres choses la somme de C livres.

XXVII En la maison de la Vacheresse a pareillement este faict depuis led. temps pour la somme de C livres.