XLIV. Item a este faict la grange de La Mothe Brisson

toute neufve, belle et espacieuse pour loger les grains de la recepte, et pour les dixmes et terraiges de lad. seigneurie, a bien coste CC livres.

XLV. Item aussi a este refaict les greniers dud. lieu de La Mothe Brisson tant de boys, pierre que aultre chose, lesquels estoyent par terre et ne pouoyt on loger un sextier de grain, la ou a présent on y logeroyt mil sextiers de ble et plus, qui ont bien coste CL livres.

XLVI. Item a este faict aud. lieu de La Chapelle St Laurens une grande hasle et espacieuse, et pour avoir achepte le lieu la ou lad. hasle a este faicte, a bien coste CGC livres.

XLVII. Item et que depuis led. temps led. sieur d'Ârgenton a faict avoir aud. lieu de La Chapelle St Laurens foires et marchez, qui ont bien coste VIII« livres, dont les merciers eurent C livres, sans leurs despens.

XLVIII. Item a este abille Testang de Lolivet en lan mil \^ et quatorze, depuis ung bout jusques a Taultre, et a este garny de chault et pierre de taille, et un pil- Ion tout neuf, qui ont bien coste XXXV livres.

XLIX. Item, pour avoir repare les maisons et chastel de La Mothe Coppox et de La Mothe Brisson, par sept ou huict foiz durand led. temps de XX ans, et aussi pour avoir recouvert les greniers de La Mothe, chault, tuille et aultres choses, se monte a la somme de CL livres.

L. Item, pour avoir faict abiller les garennes du Chasteau de La Mothe Coppox et de La Mothe Brisson la ou il a este bien faict mil toises de fousses et douz ou treize meurgicrs tous neufs, qui ont bien coste avec le plesseige, VIII» livres.

LI. Item puis led. temps a este quatre vymaires la ou les pouvres mestoyers et subgects ne cueilleront aulcune chose et fallut que lesd. s' et dame leur baillast des grains pour semer et pour leur vivre la ou il y a eu de perte plus de mil charges de ble.

LU. Somme desd. mises de La Mothe et Vauzelles, V" V« XL livres.

LUI. Item a este faict reparer au lieu de Souvigne ung beau logis neuf, tous les murs et enclostures avecques les granges, pressouers, bergeries et aultres choses qui peuent avoir coste CGC livres.

LIV. Item de demander quatre mil ft*ans aud. de La Grève, parceque Bury les receut de feu mond. S' par la lettre et pour poyer les despens, coûts et mises qui ont bien coste mil livres.

LV. Item et fault demander aud. de La Grève la moitié de tous les despens des procès qui ont este intentez depuis quarante deux ans en ça a cause des dictes seigneuries.

LVI. C'est la déclaration des réparations faictes et fait faire es domaines des terres et seigneuries de Lairegodeau et Gourge et leurs appartenances par noble et puissant seigneur messire Phelippes de Commynes, chevalier et dame Helenne de Chambes sa femme, depuis le temps de Tan mil IIII ^ soixante et treize.

Premièrement: Les fours a ban et tous des dicts

fours de la seigneurie de Lairegodeau, valent. . . réparations LX livres ou environ.

LVII Item ont este rhabilles plusieurs foys les chaussées et moulins de lad. seigneurie de Lairegodeau, comme de deux ans Tung, valant pour chascune cincquante

sous tournois ou environ et avecques fait et

ediffier les estables et habitations pour les bestes, valant le tout de lad. réparation ensemble VI " livres ou environ.

LVIII. Item ont este droissees et faictes a neuf les fourches patibulaires de lad. seigneurie de Lairegodeau, valant la miseX livres ou environ.

LIX. Item ont rhabille les vitraux des chapelles d'Argenton estants es esglises de Ste Croix et des Cordeliers a Parthenay, valant LXX sous tournois.

LX. Item a este faicte grande quantité de meurgiers ou clo. . . . ère et foussez, trassez es garennes du Brugnon en Gastine, vallant XXVI livres ou environ.

LXI. Item, aud. lieu du Brugnon a este faict la licte ou lictres (sic) des armes et armoyries des seigneuries

d'Argenton et Lairegodeau, et avecques défendu au procès contre Mathurin de La Boissiere, escuier, qui vouloyt usurper sur le droit de fondation de Tesglise dud. lieu, valant le tout, de la mise, tant dud. procès que aultre, LX livres ou environ.

LXII. Item a este rhabillée par plusieurs foiz la chaussée dud. lieu du Brugnon, comme par chascun an, valant en réparations XL livres ou environ.

LXIIL Item a Pressigne ont este faitz et basty a neuf

le granges et fournoux dud. lieu et avecques

fait les estables pour les bestes, valant le tout desd. réparations CC livres ou environ.

LXIV. Item aud. lieu de Pressigne ont este faitz faire les vaisseaux a vin pour recuillir le vinoble dud. lieu mesmement la grande cuve dud. lieu valant VI livres ou environ.

LXV. Item a Gourge a este fait et ediffie a neuf la grange dud. lieu, valant en toute mise VIII" livres ou environ.

LXVI. Item a este refaicte lad. grange de cherpente et tout aultre couverture et de portes, laquelle avoyt brusle par vymere et tempeste, valant le tout C livres ou environ.

LXVII. Item a este faict le grenier estant du coste de Vergorge et refaict la cherpente et couverture d*iceluy, valant lad. réparation III» livres ou environ.