N° IV
Construction de la chapelle St-Oeorges au château
d'Argenton, etc.
Le XXIII» jour de novembre, Pan mil IIII'^ IIII" et treze, marche faict par maistre Baulde Talboein, p*»", chanoine de Tournay et cure de Boesses, entremecteur des affaires de très noble et puissant seigneur Mons' messire Philippe de Commynes, chevalier, seigneur d'Argenton et comte de Dreux, pour et en son nom, avec Pierre Turpault, maczon. Est tel, cest a sçavoir que led. Turpault doibt et a promis faire de massocnerie ou chastel dud. lieu d^Argenton deux mectz de pressouer ou lieu ou sunt assises deux aultres mectz de boys. Tune de XII pieds de long et de X pieds de large, et Taultre de VIII pieds et demy de long, et de large VII pieds et demy, le tout de pierre de taille qu'il sera tenu thirer au bourg de Ponpay, bordées depuis le fonsjusques au hault d'ung pied et demy, et trois fenestres de pierre de grison, le tout marciz par le bas et le hault, voulte de pierre de maczon, et par le dessus le sueillet de pierres de grison bonnes et convenables, comme il appartient a deschargor les vendanges en icelles, et en chascune desd. mectz aura une coulouere de lad. pierre de Ponpay pour passer et conduyre le vin ou bail qui sera dessoubs assis et sera tenu led. Turpault fournir les charroys de lad. pierre de Ponpay jusques sur le lieu et mond. s' sera tenu de fournir de tout aultre charroy et de matière sur le lieu, et oultre ce a promis et tenu led. Turpault faire le murestans entre la maison dud. pressouer et celle ou est assis led. moulin tant que contient le mect de longueur et de hault, a Tesquipolent du plancher, de chau et de sable et faire
— isola délivre, et soy servir a ses despens, et ce pour le prix et somme de XXVII livres, sextier de seigle et une pipe de vin claret de ceste année, et a baille et poye led. vénérable aud. Turpault une fourneture de seigle sur lad. somme de XXVII livres pour le prix et somme de XXI livres lad. fourneture.
Led. XXIII' jour dud. mois aud. temps, aultre marche faict par led. maistre Baulde o led. Turpault, pour la Chappelie de Sainct Georges Doibt led. Turpault et a promis et promect faire les layzieres d'entre les deux pignons de la chappelie, de la haulteur qu'elles sont, avecques un oratoire par le dehors desd. layzieres du coste de lymaige de Mons' St Georges, et par dessus l'oratoire un arceau pour porter lad. layziere et l'oratoire par dessoubs de longueur et largeur qu'il plaira a Monseig' et a Madame, et faire aud. oratoire une cheminée et une veuc a regarder aud. oratoire de grandeur qu'il plaira a mesd. sieur et dame, plus un arceau ou veue telle que elle se pourra faire pour veoir au grand autel dud. oratoire, et faire une porte a entrer de la court aud. oratoire avecques trois ou quatre degrez. Item une autre porte de pierre de taille a entrer de lad. court dans l'église, avecques les degrez qui y fauldront, et tout autour desd deux layzieres un rabat d'eau en forme de larmier de pierre de taille de retrait de muraille de demi pie, et tout autour dud. oratoire et de la haulteur de quatre piez au dessus de la terre, et seront lesd. layzieres d'espesseur en fondements de trois piez et domy, et hors de terre de trois piez, jusques a la haulteur dud. rabat, et n'aura esd. layzieres nulz pilliers sinon les coings qui y appartenoyent, et sera tenu led. Thurpault de thirer toute la pierre de taille qui fault a ses despens, et aura les pierres de taille qui y sont de présent pour convertir aud. ouvrage et non ailleurs. Item plus, faire un vitrai deverâ le couste du grand jardrin de telle grandeur qu'il sera adviseet un aultre sur la porte pareillement de la grandeur qu'il sera advise, et oultresera tenu led. Turpault voulter de bricques led. oratoire en lui baillant lad. bricque, aussi tenu remuer les deux petiz autelz de la nef et les remectre ou il sera advise, et par de la l'autel de Sainct Michau sera tenu faire une descente a descendre en la voulte qui est soubs le cucur de lad. esglise et habiller les grez pour entrer de la nef de l'esgliseou cueur, qui ne seront pas de si grande haulteur qu'ilz sont, et sera tenu led. Turpault faire toutes les délivres a ses despens et
joincter et enduyre le pignon de devant, et fournir â Monseig' de toutes matières sur le lieu comme chaulx, pierres, chaflfaudaiges et peinctres pour Tarceau, et ce pour le prix et somme de VI" livres, une fourneture de seigle, et quatre pipes de vin nouveau claret, et aura une chambre pour soi loger pendant led. ouvraige,et sera tenu led. Turpault rendre les choses prestes dedans la feste St Michel prochaine venante^ pourveu qu'il sera bien fourny desd. matières et payements.
Aultre marche faict par led. maistre Baulde pour mond. seigneur, le peuultiesme jour dud. mois de novembre aud. temps, avec Jehan Verdon, cherpentier, pour la cherpenterie de lad. chappelle, par lequel led. Verdon doibt abattre, carrier et mectre a poinct le boys de lad. cherpenterie, iceJuy reffaire a la hache et assembler les chevrons a tiers poinct et fera tous les tenons et mortaises au pion et a Tescarre, et les tenons a la hache plate, assis lesd. chevrons sur deux sablières assemblées ensemble et sur deux corbellets, avecques doubles fers et poincements et tout aultro assemblaige comme a lad. cherpenterie est requis et que bons ouvriers doibvent faire, et prendra le boys a La Mothe et luy sera monstre, et doibt estre fête lad. cherpenterie scavoir est la moictie d'icelle dedans la feste de Toussains, et Toultre plus dedans la feste de Sainct André prochaine ensuyvant, et ce a la peine de cinquante livres, et ce pour le prix et somme de soixante livres, XII sextiers de seigle, un sextier de froment, et quatre pippes de vin claret pur et nouveau de ceste année, et fourny de logeys et de lits a coucher et ont este presens a veoir fere le marche Messieurs de Lesbaupmaye, de la Hudandière et chastellain. (Pièces en papier, n^ 40.)
