N« VIII

Prise de possession du fief Lévesqtie, par Hélène

de Chamhes,

Lan de grâce mil cincq cens dix sept et le tiers jour d'aougst, nous Briend Bardoul et Jehan Rectore, notaires jurez de la court d'Argenton, certifflons a tous qu'il appartiendra que très noble et puissante dame Holenne de Chambes, dame d'Argenton et de Villentrois, aians entre ses mains un contraict en date du vingtiesme jour de mars lan mil cincq cens et treze, signe par F du Vignaultet C. Bouschet, notaires jurez de la court de Parthenay, contenant que très hault et très puissant seigneur mons' René de Bretaigne, comte de Painthievre, luy a baille, cedde et transporte pour les causes

contenues aud. contraict, la terre et seigneurie du flef Levesque, et api'es iceiluy exhibe a nousd. notaires lad. dame s^est transportée dud. lieu d'Argenton sur et an dedans des boys des Roustiz et dUeeulx a prins et appréhende saisine et possession réelle, ensemble de lad. terre et seigneurie en allant et venant par lesd. boys des Roustiz, entrant et yssant en Teglise de Sainct Pierre d'Ëtusson, assise en lad. église au dedans de lad. seigneurie du âef Levesque, et illeeques oyans messe, disans faire lesd. actes comme vraye dame et possesseresse de lad. seigneurie, estans accompaignee lad. dame de ses damoiselles et serviteurs, avecques le vicaire et trois chappellains dud. lieu et paroisse d'Etusson . Et elle retournée a Argenton envoya quérir Jehan Le Doc, recepveur dud. fief Levesque, lequel Le Doc lui apporta et exhiba ung compte en pappier lequel dit pappier lad. dame fit lire devant elle par Tun de nous, et après luy rendit en déclarant aud. Le Doc quelle Tinstituoit et ordonnoit son recepveur en lad. terre et seigneurie dud. fief Levesque, o ce que led. Le Doc seroit tenu rendre doresenavant compte du revenu d'icelle dicte terre et seigneurie. Ce qu'il promist faire, es présences de ses damoiselles et serviteurs. Dont et desquelles choses lad. dame en a demande a nousd. notaires ce présent acte pour luy valoir ce que de raison. Fait soubz noz seingz manuelz ; et a plus grant approbacion avons fait mettre et apposer les seelz aux contraictz dud. lieu d'Argenton, les jour et au dessus dits. Signé: Bardoul. — Rectore.

(Original en parchemin, n° 77.)

No IX.

Façon des Sceaux d'Argenton,

Dimanche 23 décembre, 1515.

Nous Guillaume Céleste, orfèvre, demeurant a Bressuire et Pierre Mernaôhe, painctre, demeurans a Poictiers, certifions avoir veu et visite en nos consciences les sceaux qui sont de laton en fonte et sont au nombre de six et un sceau en cyre verd qui est en une lettre, et trouvons que les armes ne sont semblables. Scavoirest celles des sceaux en laton sont diffe-

rentes des autres qui sont en cyre car il y a un des tourteaulx ou est fait trois barres et une bande, et au sceau de cyre les tourteaulx qui sont tous plains sans quUly ait autre chose. Au regard des croix nous trouvons que ce sont losanges faites comme une fleur a quatre panteset ceessceaulx de laton, et a celuy de cyre nous trouvons que ce sont croix florencees jusques au nombre de sept. Item nous trouvons que des contre sceaulx qui sont les plus petits y a autant de differance et davantage, y a neuf losanges faictes comme dessus et une barre sur le tout. Et ce certifflons estre vray par la foi et serment que avons fait. En tesmoing de ce avons signe le présent rapport de nos seings manuels, le XXIIl* jour de décembre Tan mil V^^ et quinze. Ainsi signe: P. Mernache; et G. C. (Extrait d'un gros volume en parchemin, n* 7i.)