Monture en métal
blanche ue de cuivre [ne] de laton,et que les bourses au dessouz du pris dessuzdit soient toutes Fourrées jusques au font, et les autres garnisons soient de soie ou de ce que il yst de la soye sanz bourre et sanz coton et sanz (il apparant dehors, et qui fera le contraire, il paiera douze s. d'amende, et si sera la pièce de l'euvre couppée.
29. Que nulz ne nulle ne soit si hardiz de faire ne de faire faire ne d'acheter alouyeres brodées ne bourses brodées ne sarrasinoize ou il ait ou corps point d'or de Lusque ne point d'or merle l'un avecques l'autre, et qui sera trouvé faisant le contraire, la pièce de euvre lui sera couppée et si paiera douze s. d'amende.
30. Que nulz transmontains qui aient franchise de bourgoisie en la ville de Paris ne soient si hardiz de recepter ne de herbergier ou faire herbergier nulles marchandises, lesquelles marchandises soient auz personnez qui doivent les deniers de la livre au roy nostre sire, et qui fera le contraire, il sera en la raercy du roy de corps et d'avoir.
31. Que nulz marcheans ne puisse vendre nulz cendaulz ne samiz vermaulz, se il ne sont tainz en grainne et qui fera le contraire, il sera en la merci du roy nostre sire et si paiera au mestier cinq s. pour pièce.
32. Que nulz transmontainz qui aient franchise de bourgoiz en la ville de Paris ne soit si hardiz d'avoir compeingnie de marchandise avecques autres trausmontain qui n'ait pas ladicte franchise, et qui fera le contraire, il sera en la volenté et merci du roy de corps et d'avoir et paiera xl s. au mestier. *
33. Que pour obvier aux malices, faussetés et decevances qui pourroient estre faites en ladicte mercerie et contre les poins et articles dessuzdis ou aucun d'iceulz, pour denoncier, se mestiers est, a nous ou a noz successeurs prevoz de Paris pour le roy toutes les mesprentures, forfaitures ou amendes qui contre l'ordenance dessuz esclarcie ou aucun des articles contenuz en ycelle seront et pourront estre faites, quatre preudes hommes du mestier et marchandise dessusdicts seront esleuz chascun an par les bonnes gens du
dit mestier et de ladicte marchandise, les quieulx... feroat
serement et jurront sur saintes évangiles pardevant nous ou
nostre lieutenant et noz successeurs prevoz de Paris ou
leurs lieutenans et ad ce seront commis, que l'ordenance et
les poinz et articles dessuz esclarcis il garderont bien et
loyaulment et rapporteront a nous ou a nostre lieutenant...,
sanz nulluy espargnier ne grever pour amour, pour hayne,
pour don ne pour promesses, toutes les amendes que desdictes
malefacons pourront ystre et devront appartenir a nous et
aeulz et avecques ce les denrées et merceries qui seront
trouvées teles que elles doient estre forfaites du tout a ardoir ou a demourer pardevers nous, et est nostre entente que lesdictes quatre personnes, a la fin de leur dit offîce, puissent appellér avecques eulz des bonnes personnes dudit mestier et parmi le bon conseil qu'il trouverront cil quatre puissent eslire quatre autres personnes sages et convenables a leur esciant et par leur serement pour garder et porter ledit office pour Tannée présentement ensuivant, lesquielz esleuz en ceste manière ne pourront refuser ledit office sur poinne de x liv. chascune personne qui de ce se vouldront excuser et ce fait il porteront les noms desdictes quatre per* sonnes pardevers nous prevoz de Paris ou noz lieus tenans... pour prendre et recevoir le serement desdits gardes...
34. Que lesdits quatres preudeshommes durront oudit office un an tant seulement, se ainssi n'estoit que, pour aucunes deffautes, il deussent estre dutout hostés.
35. Que lesdits quatre preudeshommes ne pourront estre constrainz ne esleuz a estre gardes a corrigier oudit office dedens l'espace de cinq ans après ce que il auront esté pardevant, se il n'est ainssi que de leur bon gré il feussent esleuz.
36. Que lesdits gardes, durant leur povoir, pourront prendre et arrester mars, pois, balances, aulnes et trestoutes autres manières de merceries par touz les lieux et sur toutes personnes qui useront dudit mestier et marchandise en la ville de Paris
Ce fu fait en l'an de grâce mil trois cens vint et trois, le ïuecredi septiesme jours, ou moys de mars.
Paqiiih. — Documents relatifs a l'histoire de l'industrie et du commerce, «- II. 5
