Mt. : maiêtrê

16. Disoit ledit procureur que li tanneur avient mesprins en ce que il avient deffandu par plusieurs foiz auxditz aloteurs, sur peine dudit office perdre, que il n'avisassent les marchans combien li lox de leurs cuirs povoit valoir ne combien il les ferient etc.

17. Disoit ledit procureur que li tanneur avient deffandu et commandé auxditz aloteurs que, au remerchier(?) les cuirs aux marchans , il missent le mauves d'une part, sains a l'autre, afin que il eussent davantage les mauvais cuirs au préjudice des vendeurs.

18. Disoit ledit procureur que li tanneur avient deffandu ausditz couratiers que, quantles denrées des marchans sérient venues a Troyes, lidit couratiers ne le fissent asavoir aux marchans dehors.

19. Disoit ledit procureur que lidit tanneur avient deffendu ausditz aloteurs que il ne deissent ne avisassent les marchans dehors qui viennent achetter aux marchans estranges des denrées qu'il ont amenées, combien li lox vault ne combien H tanneur en veullent donner.

20. Disoit ledit procureur que lidit tanneur ont defiendu ausditz aloteurs que il n'achattent cuirs a poil des Testre ^ Nostre Damejusques a Tostel de Mont Aubain etc.

21. Disoit ledit procureur que lidit tanneurs ont une aliance que, se li marchant dehors faisoient aloter par autres personnes que par les aloteurs esleuz des tanneurs, 'idit tanneurs n'y adjousterient point de foy ne acheteroient ce que ainxin seroit alotté.

22. Disoit encores ledit procureur du roy que , par les poins d'icelle ordonnance ou estatuz, quiconques desditz ^nneurs usoit ou avoit usé du contraire de ung chascun <lesditz poins ou ordonnance, il encourroit et estoit encourruz ^Q dix solz de tour, pour une chascune foiz que il mespre- Qoitou avoit mesprins esdiz poins [a] aplicquer au roy nostre sire pour cause d'amende.