Demoureront a place sens ce qu'ils ou l'un
d'eux puisse brisier place et que les autres puissent exiger aucune amende seur celui ou ceulx qui y demouront
3. Sera licite a chascun ouvrier de soy alouer tel pris comme il pourra gaigner et quî sera raisonnable, c'est assavoir ou moins ou plus que on aura offert a ung autre ouvrier sens ce que les autres ouvriers dudict mestier puissent exiger aucune amende seur celui qui se sera moins aloué que on aura oflert a ung autre.
4. Apres ce que lesdicts ouvriers auront esté en besoigne, auront temps et espace de dcsjeuner et diner par intervalles compectantes.
5. Desjeuneront et disneront lesdicts ouvriers a feu ou temps d'iver c'est assavoir depuis la Magdaleine jusques a Pasques.
6. Lesdicts ouvriers depuis Pasques a la Magdalene pour-ront abesoigner a onze heures avant midy et ne seront tenus de revenir en besoigne jusques a une heure après midy.
7. Depuis ladicte heure après midi, lesdicts ouvriers seront tenus de faire besoigne jusques a vespres sonnans a S. Paul réservé leur goûter qu'il feront a heure competant.
8. Depuis ladicte Magdalene jusques en caresme seront tenus lesdicts ouvriers d'ouvrer depuis qu'ils seront aloués après ladicte messe de Nostre Dame de S* Pol et de faire besoigne jusques a vespres sonnées en ladicte église sens ce qu'ils aient ladicte espace depuis onze heures jusques a une heure après midi et auront lesdicts ouvriers heure compétente de desjeuner, disner et de gouster.
9. Les dicts ouvriers depuis... Brandons jusques a Pasques seront tenus de faire besoigne jusques ad ce que le saint de S. Pol appelé Boutefeux sonne, qui sonnera entre une et deux heures et si besoigneront jusques a ladicte heure pour toute journée sausvè le desjeuner qu'ils auront a heure competant.
10. Lesdicts ouvries alens a place auront chascune sepmaine le baing se il leur plaist en la chaudière de leur mestre pour eulx aisier et aider.
11. Ceulx qui sont fermiers des moulins foulerez ne pourront tenir foulerie a Orliens durant la ferme desdicts moulins, pource qu'ils pourroicnt fouler auxdicts moulins les draps qu
doivent êtres foulez a pié qui seroit un grant lésion dL^^^u
peuple. ... . .
