août

Réception à maîtrise,

Arch. nat., Reg. civils du Châtelet, Y 5230, fol. 53.

Oye la requeste Henry de Herelle, natif du pays de Hollande et après ce que Jehan De Serain , Richart Jumel, Guillaume Marchant et Guillaume Poignant, jurez du mestier des cousturiers de la ville de Paris pour ce presens ont tesmoigné et affirmé ledict Henry estre homme marié, de bonne vie, renommée et estagier a Paris, et avoir fait devant eulz son chief d'euvre en la manière acoustumé, nous, en la présence du procureur du roy, icellui Henry de Herelle ayons receu et recevons maistre et ouvrier dudict mestier de cousture et taillanderie, pour le faire et tenir selon les ordonnances dudict mestier, en paiant x solz parisis

au roy et le droit desdicts jurez, après ce que de lui nous avons prins le serment acoustumé et que nous lui avons enjoint tenir et garder les ordonnances dudict mestier, dont nous lui avons enjoint prendre copie a ce qu'il n'ait cause de malverser.