août

Salaire JCouvrier,

Arch. nat., Reg. civils du Châtelet» Y 5232, à la date.

Oy le débat d'entre Lambert Corneille, varlet huchîer du

pais de ,* d'une part, et Guillaume Thomas, huchîer,

demourant a P§ris, d'autre part, pour raison de la demande faicte par ledict Lambert a l'encontre dudict Thomas, a ce que icellui Thomas feust condempné a luipaier le salaire par lui gaigné etdesservy depuis la Saint George derrenierement passé jusques a présent, en quel temps et paravant il avoit toujours servy ledict Thomas ou faict dudict mestier, comme son varlet au pris de xii escus d'or par an, qui est le pris que ledict Thomas lui avoit promis donner et paier pour cesle présente année, sur quoy il disoit avoir receu ung escu et XVI deniers, et des raisons et deffenses proposées au contraire par ledict G. Thomas, qui disoit qu'il ne vouloit pas denier que ledict Lambert l'eust bien servy et lui avoir promis paier pour cest présent an lesdiz xii escus, mais il disoit qu'il n'estoit tenu de le paier, attendu qu'il le vouloit laisser et s'en aler hors Paris, et que ses dommages et interest qu'il auroit par default dudict service non fait monteroient plus que ce qu'il lui povoit devoir, et des répliques proposées par ledict Lambert, disant que ses parens et amis l'avoient mandé et qu'il ne vouloit plus demourer en ceste ville mesmement avec ledict Thomas qui craignoit et doubtoit sa fureur, par ce qu'il Tavoit batu et frappé sur le visage, comme il apparoit, oyes lesdictes parties et après ce que ledict Lambert a affermé par serement que ses parens et amis l'avoient mandé et que son intencion estoit de brief partir, nous icellui Thomas avons condempné a paier audict Lambert son salaire depuis ladicte Saint Georges derrenierement passé jusques a présent au pris de xii escus par an, sauf a desduire et rabatre sur ce xxiii solz un d. que ledict